Bjarngerður Ólafsdóttir

Bjarngerður Ólafsdóttir frá Keldudal í Mýrdal, húsfreyja á Heiði fæddist 11. júní 1907 í Keldudal í Mýrdal og lést 29. febrúar 1996.
Foreldrar hennar voru Ólafur Bjarnason bóndi, f. 20. apríl 1866 í Engigarði í Mýrdal, d. 16. september 1952, og kona hans Guðrún Dagbjartsdóttir húsfreyja, f. 22. maí 1874, d. 3. febrúar 1941.

Börn Ólafs og Guðrúnar í Eyjum:
1. Jórunn Sigurlín Ólafsdóttir húsfreyja í Kirkjudal, f. 12. nóvember 1903, d. 29. maí 1995.
2. Bjarngerður Ólafsdóttir húsfreyja á Heiði, f. 11. júní 1907, d. 20. febrúar 1996.
3. Eyvindur Bjarni Ólafsson vinnumaður í Dölum, síðan sjómaður, f. 11. september 1913, d. 8. júní 1981.

Bjarngerður var með foreldrum sínum til 1914, var tökubarn í Hjörleifshöfða 1914-1920, í Suður-Hvammi og síðan vinnukona þar 1920-1934, aftur vinnukona þar 1936-1940.
Hún fluttist til Eyja 1940, var vinnukona hjá Guðjóni á Heiði, síðan bústýra og þá húsfreyja. Jafnframt vann hún við fiskiðnað.

Bjarngerður fyrst frá vinstri í aftari röð.

Nokkrir af starfsmönnum Hraðfrystistöðvarinnar.
Guðjón Jónsson fremst til vinstri. Bjarngerður næst fyrir aftan.

I. Maður Bjarngerðar, (28. júlí 1957), var Guðjón Jónsson skipstjóri, útgerðarmaður, f. 18. maí 1882 í Indriðakoti u. Eyjafjöllum, d. 22. mars 1963.
Þau voru barnlaus.

---

Heimildir

• Samantekt: Víglundur Þór Þorsteinsson.
• Íslendingabók.is.
• Manntöl.
• Prestþjónustubækur.
• Vestur-Skaftfellingar 1703-1966. Björn Magnússon. Leiftur 1970-1973.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---