Jón Jónsson (Engey)

Hjónin frá Engey, Jón og Sigríður.

Jón Jónsson bóndi, verkamaður, smiður í Engey fæddist 14. júní 1887 á Krókatúni í Hvolhreppi og lést 25. september 1951.
Foreldrar hans voru Jón Jónsson bóndi, f. 8. apríl 1848, d. 25. júní 1922, og kona hans Helga Runólfsdóttir húsfreyja, f. 9. desember 1853 á Velli í Hvolhreppi, d. 26. apríl 1929.

Jón var með foreldrum sínum í Króktúni æsku og á Miðhúsum í Hvolhreppi 1910. Hann kvæntist Sigríði 1917. Þau voru bændur á Sperðli í Landeyjum til ársins 1921, en þá fluttust hjónin til Eyja með 4 börn sín.
Þau fengu í fyrstu inni á Ofanleiti, síðan í Viðey.
Jón byggði Engey, Faxastíg 23 1924 og þar bjuggu þau síðan.
Nánar: Blik 1971, Hjónin frá Engey, Sigríður og Jón.

Kona Jóns, (24. júní 1917), var Sigríður Sigurðardóttir húsfreyja frá Ysta-Koti í V-Landeyjum, f. 17. júlí 1885, d. 22. september 1972.
Börn þeirra:
1. Helga Jóna Jónsdóttir húsfreyja, verkakona, f. 18. september 1917 á Sperðli í Landeyjum, d. 5. mars 1990.
2. Sigurður Jónsson vélstjóri, útgerðarmaður, f. 9. júlí 1919 á Sperðli í Landeyjum, d. 23. desember 2003.
3. Stefán Jónsson rafvirkjameistari í Reykjavík, f. 15. ágúst 1920 á Sperðli í Landeyjum, d. 28. ágúst 1969.
4. Gísli Svavar Jónsson sjómaður, f. 21. september 1922 á Ofanleiti, fórst með v.b. Ófeigi VE-217 1. mars 1942.
5. Sigurjón Jónsson skipstjóri, útgerðarmaður, f. 21. október 1923 í Eyjum, d. 8. október 1991.
6. Ingunn Svala Jónsdóttir húsfreyja, síðast í Reykjavík, f. 3. febrúar 1926, d. 13. mars 1990.
7. Guðrún Ísleif Jónsdóttir húsfreyja, síðast í Reykjavík, f. 13. október 1929, d. 1. janúar 1987.

• 
• 
• 
• 
• 
• 

---

Heimildir

• Samantekt: Víglundur Þór Þorsteinsson.
• Blik 1971, Hjónin frá Engey, Sigríður og Jón.
• Íslendingabók.is.
• Manntöl.
• Prestþjónustubækur.
• Víkingslækjarætt. Pétur Zophoníasson. Skuggsjá.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---