Einar Sigurðsson (Búastöðum)

Einar Sigurðsson skipstjóri frá Búastöðum fæddist 25. febrúar 1856 og fórst með hákarla- og handfæraveiðiskipinu Reykjavík 31. mars 1889. Foreldrar hans voru Sigurður Torfason sjávarbóndi og hreppstjóri á Búastöðum, f. 14. febrúar 1822, d. 18. apríl 1870, og kona hans Guðríður Jónsdóttir húsfreyja, f. 6. ágúst 1829, d. 15. ágúst 1867.

Börn Sigurðar og Guðríðar voru:
1. Jón Sigurðsson, f. 25. febrúar 1851, d. 11. mars 1851 „af Barnaveikin ginklofa“.
2. Guðrún Sigurðardóttir, f. 18. september 1852, d. 21. mars 1939, vinnukona í Godthaab 1870 og í Reykjavík 1910 og 1920.
3. Hjálmar Sigurðsson, f. 17. ágúst 1853, d. 30. október 1853 „af barnaveiki“.
4. Jón Sigurðsson, f. 22. ágúst 1854, d. 16. nóvember 1854, „dó hastarlega án þess að merki væru um nokkurn sjúkleika“.
5. Einar Sigurðsson, f. 25. febrúar 1856, drukknaði 31. mars 1889. Hann var stýrimaður og skipstjóri, fórst með hákarla- og handfæraveiðskipinu Reykjavík.
6. Tómas Sigurðsson, f. 24. mars 1857, d. 5. apríl 1857 úr ginklofa.
7. Sigríður Sigurðardóttir, f. 24. júní 1859, niðursetningur í París 1870, húskona í Reykjavík 1910, d. 25. janúar 1940. Sonur hennar var Sigurður Einar Ingimundarson verslunarmaður hjá J.P.T. Bryde (mt 1910), f. 21. ágúst 1895, d. 12. apríl 1979.
8. Vilborg Sigurðardóttir, f. 9. júní 1858, d. 20. júní 1858 úr ginklofa.
9. Vilhjálmur Sigurðsson, f. 14. ágúst 1860, d. 2. febrúar 1861 af bólguígerð.
10. Torfi Sigurðsson skipasmiður í Norðurbæ á Eyrarbakka 1930, f. 11. nóvember 1861, d. 19. september 1950.
11. Bjarni Sigurðsson, f. 5. ágúst 1863, d. 10. desember 1863 úr „uppdráttarsýki‟.
12. Gróa Björg Sigurðardóttir, f. 26. maí 1865, d. 12 júlí 1882. Hún var 5 ára niðursetningur í Kornhól 1870, vinnukona í Garðinum 1880.
13. Guðríður Sigurðardóttir, f. 13. ágúst 1867, d. 1918, niðursetningur á Löndum 1870, léttastúlka í Jómsborg 1880, vinnukona í Batavíu 1890.

Móðir Einars lést er hann var á 12. árinu og faðir hans, er hann var 14 ára.
Hann var léttadrengur í Garðinum 1870.
Einar stundaði sjófræðinám og bjó í Sauðagerði í Reykjavík 1880. Þau Þórunn giftu sig 1881 og eignuðust 4 börn, það síðasta eftir lát Einars.
Hann var stýrimaður og skipstjóri og fórst með veiðiskipinu Reykjavík 1889.
Þórunn sneri til Eyja með börnin 1891 og bjó á Oddsstöðum. Hún lést 1893.

Kona Einars, ( 16. desember 1881), var Þórunn Þórarinsdóttir húsfreyja frá Berufirði, f. 24. febrúar 1851, d. 9. febrúar 1893.
Börn þeirra hér:
1. Lísabet Þóra Einarsdóttir húsfreyja á Eskifirði, f. 19. október 1882, d. 13. október 1920.
2. Jóhanna Ásdís Einarsdóttir Peyto hjúkrunarfræðingur í Vancouver í Kanada, f. 24. október 1883, d. 25. desember 1972.
3. Sigríður Einarsdóttir, f. 1886.
4. Einarína Þórunn Einarsdóttir Petersen húsfreyja í Danmörku, f. 15. september 1889, d. 14. nóvember 1987.

---

Heimildir

• Samantekt: Víglundur Þór Þorsteinsson.
• Manntöl.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---