Kjartan Jónsson (Háagarði)

Kjartan Jónsson.

Kjartan Jónsson lyfjafræðingur frá Háagarði fæddist 1. maí 1914 í Holti í Álftaveri og lést 5. júní 2004.
Foreldrar hans voru Jón Sverrisson bóndi, yfirfiskimatsmaður, f. 22. janúar 1871, d. 5. mars 1968, og kona hans Solveig Jónína Magnúsdóttir húsfreyja, f. 20. ágúst 1879, d. 21. apríl 1955.

Börn Solveigar og Jóns voru:
1. Sigurður Jónsson verslunarmaður, f. 24. júlí 1898, d. 22. apríl 1962.
2. Sverrir Magnús Jónsson sjómaður, f. 25. júní 1900, drukknaði af Minervu 24. janúar 1927.
3. Elías Theodór Jónsson framkvæmdastjóri, f. 11. júní 1901, d. 28. júlí 1959.
4. Einar Jónsson skipstjóri, f. 16. desmber 1902, drukknaði af Mínervu 24. janúar 1927.
5. Solveig Magnea Jónsdóttir hjúkrunarfræðingur, f. 1. nóvember 1904, d. 10. desember 1984.
6. Sigurjón Jónsson skipstjóri, síðar verkamaður, f. 18. janúar 1906, d. 5. október 1979.
7. Lilja Jónsdóttir hárgreiðslukona, f. 5. maí 1907, d. 28. desember 2006.
8. Ingibjörg Jónsdóttir húsfreyja, f. 18. september 1908, d. 24. apríl 1993.
9. Aðalheiður Svanhvít Jónsdóttir húsfreyja, f. 3. janúar 1910, d. 26. október 1946.
10. Böðvar Jónsson verksmiðjustjóri, f. 8. desember 1911, d. 18. febrúar 1997.
11. Kjartan Jónsson lyfjafræðingur, f. 1. maí 1914, d. 5. júní 2004.
12. Svanhildur Jónsdóttir húsfreyja, f. 5. október 1915, d. 11. mars 2006.
13. Rannveig Jónsdóttir húsfreyja, f. 5. október 1915, d. 23. apríl 2002.
14. Karl Jónsson rakari, kaupmaður, lögreglumaður, gangavörður, f. 11. desember 1919 í Eyjum, d. 1. maí 2011.
15. Matthildur Jónsdóttir húsfreyja, f. 6. október 1921 í Eyjum, d. 20. febrúar 2002.

Kjartan var með foreldrum sínum í æsku, fluttist með þeim til Eyja 1919.
Hann varð stúdent frá Menntaskólanum í Reykjavík 1935, tók lyfjafræðipróf 1940, B.Sc.- próf í Philadelphiu 1943.
Kjartan vann við Akranesapótek, við Reykjavíkurapótek, var lyfsali í Stykkishólmi, lyfjafræðingur í Keflavíkurapóteki.

Kjartan var tvíkvæntur.
I. Fyrri kona hans, (7. ágúst 1942), var Sigríður Solveig Ólafsdóttir Lárussonar húsfreyja, f. 7. apríl 1918, d. 14. desember 1945.
Barn þeirra var
1. Ólafur Hrafn Kjartansson tæknifræðingur, f. 26. maí 1945, kvæntur Kristínu Nikulásdóttur.

II. Síðari kona hans var Else Marie Hertervig húsfreyja, ljósmóðir f. 9. desember 1927, d. 28. október 1994.
Börn þeirra:
2. Sverrir Magnús Kjartansson sjómaður, f. 31. júlí 1953, kvæntur Sveinbjörgu Lindu Einarsdóttur.
3. Lína Guðrún Kjartansdóttir lyfjatæknir og slökkviliðsmaður, f. 16. ágúst 1955.
4. Theodór Kjartansson iðnaðarmaður, f. 27. mars 1960.

---

Heimildir

• Samantekt: Víglundur Þór Þorsteinsson.
• Lyfjafræðingatal. Ingibjörg Böðvarsdóttir og fleiri. Lyfjafræðingafélag Íslands 1982.
• Manntöl.
• Prestþjónustubækur.
• Vestur-Skaftfellingar 1703-1966. Björn Magnússon. Leiftur 1970-1973.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---