„Pétur Gissurarson“: Munur á milli breytinga

'''Pétur Gissurarson''' var prestur í Vestmannaeyjum frá 1660 til 1689. Foreldrar hans voru séra Gissur Gamalíusson á Staðarbakka og kona hans Emerentíana Jónsdóttir. Lærði í Skálholtsskóla, en var í þjónustu Gísla Hákonarsonar lögmanns í Bræðratungu, síðan Gísla Oddsonar biskups. Fór utan og var skráður í Stúdentatölu í háskólanum í Kaupmannahöfn árið 1636, var síðan í þjónustu Brynjólfs Sveinssonar biskups og heyrari í Skálholti frá 1642 til 1646. Fékk veitingu fyrir [[Ofanleiti]]sprestakalli 1660 og hélt því til 1689, en andaðist 1691. Kona hans var Vilborg Kláusdóttir lögréttumanns að Hólmum í Landeyjum, Eyjólfssonar. Börn þeirra meðal annarra, séra [[Gissur Pétursson|Gissur]] prestur að Ofanleiti, séra [[Arngrímur Pétursson|Arngrímur]] prestur að [[Kirkjubær|Kirkjubæ]], Gísli, sem myrtur var í Vestmannaeyjum 1692 og Emerentíana er giftist [[Ólafur Árnason|Ólafi Árnasyni]] sýslumanni í Vestmannaeyjum.