Sigríður Jónsdóttir Bjarnasen

Sigríður Jónsdóttir Bjarnasen húsfreyja í Kornhól fæddist 1816 á Skagaströnd og lést 13. apríl 1842.
Foreldrar hennar voru Jón Salómonsson verslunarstjóri í Vopnafirði, bóndi í Ási í Kelduhverfi, verslunarassistent á Skagaströnd 1816, og síðast verslunarstjóri í Kúvíkum við Reykjarfjörð í Strandasýslu, f. 1771, d. 27. júlí 1846, og síðari kona hans Sigríður Benediktsdóttir húsfreyja, f. 1789, d. 6. desember 1859.

Systkini Sigríðar í Eyjum voru
1. Jóhanna Jónsdóttir Abel húsfreyja, f. 4. júní 1819, kona Kristjáns Abels kaupmanns í Godthaab.
2. Ragnheiður Jónsdóttir húsfreyja á Ofanleiti, f. 27. júní 1829, kona sr. Brynjólfs Jónssonar.
3. Jón Salomonsen hafnsögumaður og verslunarmaður, f. 1830, maður Jórunnar Austmanns.

Sigríður og Jóhann fluttist til Eyja 1837 og með þeim var barnið Pétur Jóhannsson. Þau settust að í Kornhól. Sigríður ól 3 börn í Eyjum, en lést 1842.

Maður Sigríðar var Jóhann Bjarnasen verslunarstjóri, f. 9. febrúar 1808, d. 18. júlí 1845.
Börn þeirra hér:
1. Jóhann Pétur Benedikt Bjarnasen, f. 15. nóvember 1834, d. 1. maí 1869.
2. Sigurður Gísli Gunnar Bjarnasen, f. 30. maí 1837, fór til Danmerkur.
3. Jóhanna Sigríður Margrét Bjarnasen, f. 22. júní 1839, d. 4. apríl 1910 í Vesturheimi.
4. Emilie Geirlaug Ágústa Bjarnasen, f. 23. ágúst 1841. Hún fór til Vesturheims.

---

Heimildir

• Samantekt: Víglundur Þór Þorsteinsson.
• Íslendingabók.is.
• Manntöl.
• Prestþjónustubækur.
• Ættir Austfirðinga. Einar Jónsson og fleiri. Austfirðingafélagið í Reykjavík 1953-1968.