Helga Þorláksdóttir (Kirkjubæ)

Helga Þorláksdóttir húsfreyja á Kirkjubæ fæddist 4. október 1805 á Torfastöðum í Fljótshlíð og lést 10. mars 1897 á Vesturhúsum.
Foreldrar hennar voru Þorlákur Þorsteinsson bóndi á Torfastöðum, f. 1768 í Eyjum, d. 9. september 1825, og kona hans Guðrún Guðmundsdóttir húsfreyja, f. 1772 á Torfastöðum, d. 13. janúar 1852.

Helga var með foreldrum sínum á Torfastöðum 1816, vinnukona á Sámsstöðum í Fljótshlíð 1835, á Ljótarstöðum í A-Landeyjum 1840.
Hún var vinnukona í Kastala 1845, var húsfreyja á Kirkjubæ 1848 og enn 1870. Hún var á sveit á Ofanleiti 1880 og niðursetningur á Vesturhúsum 1890 og enn við andlát 1897.

Maður Helgu, (13. október 1848), var Sveinn Sveinsson bóndi á Kirkjubæ f. 16. janúar 1801, d. 18. september 1878.
Barn þeirra var:
1. Karólína Sveinsdóttir, f. 27. maí 1850, d. 3. júní 1850 úr ginklofa.

---

Heimildir

• Samantekt: Víglundur Þór Þorsteinsson.
• Manntöl.
• Prestþjónustubækur.