Guðrún Valtýsdóttir (Presthúsum)

Guðrún Valtýsdóttir húsfreyja í Presthúsum fæddist 1806 á Murnavöllum í Stóra-Dalssókn u. Eyjafjöllum og lést 6. júní 1866.

Hún var niðursetningur í Vallatúni u. Eyjafjöllum 1816, vinnukona á Moldnúpi 1835, vinnukona á Leirum 1840 og 1844, hjú í Skálakoti 1845 með barn sitt Guðbjörgu Hinriksdóttur 2 ára.
Guðrún fluttist frá Skálakoti u. Eyjafjöllum að Presthúsm 1846, þá 36 ára, með dóttur sína Kristbjörgu Hinriksdóttur tveggja ára.
Hún var 39 ára gift húsfreyja í Presthúsum 1850 með manni sínum Gísla Jónssyni lóðs 48 ára. Með þeim var Kristbjörg Hinriksdóttir barn hennar 6 ára og sonur þeirra Jón Gíslason 3 ára. 1855 var Kristbjörg látin, en komin var Kristbjörg Gísladóttir þriggja ára.
1860 var hún í Presthúsum með Gísla lóðs og börnum þeirra, Jóni 13 ára og Kristbjörgu Gísladóttur 7 ára.

Börn Guðrúnar:
I. Með Ólafi Péturssyni kvæntum manni í Ásólfsskála u. Eyjafjöllum:
1. Guðrún Ólafsdóttir húsfreyja í Norðurgarði, f. 10. febrúar 1833, d. 30. ágúst 1906.

II. Börn með Hinriki Ólafssyni í Svaðbæli u. Eyjafjöllum:
2. Guðbjörg Hinriksdóttir, f. 1843, hefur líklega dáið ung.
3. Kristbjörg Hinriksdóttir, f. 10. apríl 1844, d. 28. ágúst 1851.

III. Eiginmaður Guðrúnar, (3. febrúar 1847), var Gísli Jónsson bóndi, lóðs og hreppstjóri í Presthúsum, f. 11. apríl 1803, d. 28. ágúst 1861. Hann fékk stein í höfuðið við fýlaveiði í Stórhöfða og lést af afleiðingum slyssins.
Börn þeirra:
4. Gísli Gíslason, f. 31. ágúst 1847, d. 11. september 1847 úr ginklofa.
5. Jón Gíslason, f. 23. nóvember 1848. Var vinnumaður í London 1870, fór til Kaupmannahafnar frá London á því ári.
6. Kristmundur Gíslason, f. 30. ágúst 1852, d. 5. september 1852.
7. Kristbjörg Gísladóttir, f. 22. ágúst 1853, d. 27. janúar 1921.

---

Heimildir

• Samantekt: Víglundur Þór Þorsteinsson.
• Íslendingabók.is.
• Manntöl.
• Prestþjónustubækur.