Gísli Jónsson (Presthúsum)

Úr Heimaslóð, Sögusetri Vestmannaeyja
Fara í flakk Fara í leit

Gísli Jónsson bóndi, lóðs og hreppstjóri í Presthúsum fæddist 11. apríl 1803 á Eystri Klasbarða í V-Landeyjum og lést 28. ágúst 1861.
Foreldrar hans voru Jón Halfdanarson bóndi í Eystri-Klasbarði f. 1772, d. 10. mars 1815, og fyrri kona hans Kristín Þorleifsdóttir, f. 11. september 1782 á Ytrihól í Skúmsstaðasókn í V-Landeyjum, d. 3. júní 1833 í Fljótshlíð.

Gísli var bróðir
1. Helga Jónssonar bónda í Kornhól, f. 6. júlí 1806, d. 17. júní 1864. Konur hans voru Þuríður Björnsdóttir húsfreyja og Sigríður Bjarnadóttir húsfreyja.
2. Kristínar Jónsdóttur húsfreyju á Gjábakka, f. 11. september 1811, d. 14. október 1883, konu Eiríks Hanssonar.
3. Helgu Jónsdóttur vinnukonu, mormóna, f. 1813, d. í Vesturheimi.

Gísli var með móður sinni og stjúpa á Eystri-Klasbarða 1816, en þau eru sögð foreldrar barnanna.
Hann bjó í Kornhól 1829 með Guðrúnu fyrri konu sinni, var kominn að Presthúsum 1835 og bjó þar síðan.
Hann fékk stein í höfuðið við fýlaveiði í Stórhöfða síðla sumars 1861 og lést af áverkum næsta dag.

Gísli var tvíkvæntur.
I. Fyrri kona hans, (28. desember 1828), var Guðrún Þorláksdóttir húsfreyja frá Kornhól, f. 2. júlí 1789, d. 11. ágúst 1846.
Barn þeirra var
1. Andvana fædd stúlka 13. mars 1829.

II. Síðari kona Gísla, (3. febrúar 1847), var Guðrún Valtýsdóttir húsfreyja, f. 1806, d. 6. júní 1866.
Börn þeirra:
2. Gísli Gíslason, f. 31. ágúst 1847, d. 11. september 1847 úr ginklofa.
3. Jón Gíslason, f. 23. nóvember 1848. Var vinnumaður í London 1870, fór til Kaupmannahafnar frá London á því ári.
4. Kristmundur Gíslason, f. 30. ágúst 1852, d. 5. september 1852 „af barnaveiki“.
5. Kristbjörg Gísladóttir, f. 22. ágúst 1853, d. 27. janúar 1921.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.