Otti Jónsson (Ottahúsi)

Otti Jónsson vigtarmaður, húsmaður í Ottahúsi, (Beykishúsi), fæddist 2. febrúar 1790, d. 29. desember 1841.
Foreldrar hans voru Jón Jónsson húsmaður í Skildinganesi við Reykjavík 1801, f. 1763, og kona hans Þóra Jónsdóttir ættuð frá Eyrarbakka, f. 1764, d. 10. september 1804.
Otti var skráður ekkjumaður í Beykishúsi 1840, sambýlismaður Sigríðar, sem skráð var ekkja.
Otti mun hafa unnið við verslunina í Garðinum.

I. Sambýliskona Otta var Sigríður Nikulásdóttir í Beykishúsi kona Sigurðar Breiðfjörðs beykis og skálds.
Otti keypti Beykishúsið af Sigurði fyrir 150 ríkisdali og nefndist það síðan Ottahús meðal fólks.
Barn þeirra Sigríðar var
1. Nikolína Ottadóttir húsfreyja í Hólshúsi, f. 12. júní 1832, d. 21. apríl 1912. Hún var síðari kona Vigfúsar Jónssonar tómthúsmanns í Hólshúsi.

II. Barnsmóðir Otta var Kristín Ögmundsdóttir í Nýjabæ, f. 1789, d. 6. júní 1842, síðar kona Magnúsar Guðlaugssonar bónda og hreppstjóra í Nýjabæ og eftir hann kona Jóns Árnasonar bónda í Nýjabæ.
Barn þeirra Otta var
2. Sigríður Ottadóttir, f. 12. nóvember 1812, d. 22. nóvember 1812.

---

Heimildir

• Samantekt: Víglundur Þór Þorsteinsson.
• Íslendingabók.is.
• Í veraldarvolki – Íslenzkir örlagaþættir. Ástmögur Iðunnar. Sverrir Kristjánsson. Forni. Reykjavík 1966.
• Manntöl.
• Prestþjónustubækur.