„Kristinn Stefánsson (Kalmanstjörn)“: Munur á milli breytinga
m (Verndaði „Kristinn Guðmundur Stefánsson“ ([Breyta=Leyfa aðeins stjórnendur] (ótiltekinn) [Færa=Leyfa aðeins stjórnendur] (ótiltekinn))) |
m (Viglundur færði Kristinn Guðmundur Stefánsson á Kristinn Stefánsson (Kalmanstjörn)) |
(Enginn munur)
| |
Útgáfa síðunnar 30. júní 2023 kl. 11:55
Kristinn Guðmundur Stefánsson frá Kalmanstjörn, öryrki fæddist 3. janúar 1919 í Langa-Hvammi og lést 6. október 1967.
Foreldrar hans voru Stefán Ingvarsson frá Kalmanstjörn í Höfnum, útgerðarmaður, verkstjóri, f. 14. janúar 1886, d. 18. apríl 1961, og kona hans Snjáfríður Guðrún Torfadóttir frá Söndu á Stokkseyri, húsfreyja, f. 4. apríl 1889, d. 23. september 1973.
Börn Snjáfríðar Guðrúnar og Stefáns:
1. Kristinn Guðmundur Stefánsson öryrki, f. 3. janúar 1919 í Langa-Hvammi, d. 6. október 1967.
2. Ingibjörg Stefánsdóttir, síðast á Dvalarheimilinu Fellsenda í Dalabyggð, f. 26. júní 1928 á Kalmanstjörn, d. 10. janúar 2011.
Kristinn var með foreldrum sínum.
Hann var fatlaður. Nemendur Gagnfræðaskólans gengu fyrir söfnun í bænum 1936 og tókst með henni og hjálp sérfræðinga og alþingismanns að afhenda honum rafdrifinn þríhjóla vagn, sem hann gat stjórnað.
Hann bjó með foreldrum sínum í Langa-Hvammi, á Kalmanstjörn við Vestmannabraut 3, í Höfða við Hásteinsveg 21 1941, síðar við Hásteinsveg 50, flutti með þeim til Reykjavíkur 1947.
Kristinn lést 1967.
Heimildir
- Samantekt: Víglundur Þór Þorsteinsson.
- Blik 1937, ársrit Gagnfræðaskólans í Vestmannaeyjum.
- Íslendingabók.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.