Óli Einar Andersen

Óli Einar Andersen.

Óli Einar Andersen Adolfsson frá Brautarholti, bóndi, bifreiðastjóri, rúturekandi, leiðsögumaður fæddist 7. mars 1941 í Ytri-Sólheimum í Mýrdal.
Foreldrar hans voru Adolf Jensson Andersen bóndi og smiður, f. 5. desember 1913 á Geirseyri í Patreksfirði, d. 20. september 1987, og kona hans Kristjana Geirlaug Einarsdóttir frá Ytri-Sólheimum í Mýrdal, húsfreyja, f. 29. júní 1919, d. 2. febrúar 2002.

Afabræður Óla Einars voru:
1. Pétur Andersen formaður, ættfaðir Andersen-ættar í Eyjum, og
2. Svend Ove Andersen.
Föðursystkini Óla Einars:
3. Jenný Andersen.
4. Elna Andersen.
5. Torfi Alexander (Andersen) Helgason sjómaður.
Synir Svends Ove afabróður Óla Einars:
6. Erling Andersen.
7. Arnar Andersen.

Óli Einar fluttist með foreldrum sínum til Eyja nýfæddur, bjó hjá þeim í Brautarholti. Hann fluttist með þeim að Ytri-Sólheimum 1944 og síðar að Önundarhorni u. Eyjafjöllum. Þar var hann 1960.
Hann eignaðist barn með Þorgerði 1961.
Hann var verkamaður í Eyjum 1963 og bjó með Valgerði að Herjólfsgötu 9. Þau eignuðust Ernu Ólöfu þar.
Óli Einar var bóndi í Hrafnatóftum í Djúpárhreppi 1969-1971, á Reynifelli á Rangárvöllum 1976-1981, rak jarðvinnslufyrirtæki, vann að bílaviðgerðum á Hellu og á Þorvaldseyri u. Eyjafjöllum. Síðar gerðist hann rútueigandi og -rekandi.
Þau Valgerður eignuðust þrjú börn, bjuggu í Hrafnatóftum 1969-1971, en skildu.
Þau Maja bjuggu saman á Reynifelli 1976-1981, en skildu.
Óli Einar býr á Eyrabakka með Elenu Garcia húsfreyju frá Spáni.

I. Barnsmóðir Óla var Þorgerður Pétursdóttir húsfreyja í Kópavogi og Reykjavík, f. 20. júní 1944 í Keflavík, d. 6. nóvember 2005.
Barn þeirra:
1. Jósef Aron Ólason verkamaður, tónlistarmaður í Hafnarfirði, f. 18. nóvember 1961 í Reykjavík. Fyrrum sambúðarkona hans Lilja Skarphéðinsdóttir. Kona hans Ragnheiður Anna Þorsteinsdóttir.

II. Kona Óla Einars, (15. september 1962, skildu), var Valgerður Ragnarsdóttir húsfreyja, f. 7. júlí 1938.
Börn þeirra:
1. Erna Ólöf Óladóttir húsfreyja, útgerðarmaður í Mjóafirði eystra, f. 7. apríl 1963 í Eyjum. Fyrrum maður hennar Sigurjón Sigurjónsson. Maður hennar Sævar Egilsson útgerðarmaður.
2. Ragnar Ólason bankastarfsmaður í Reykjavík, f. 17. júlí 1964. Fyrrum kona hans Þorbjörg Björk Tómasdóttir.
3. Kolbrún Óladóttir húsfreyja, fiskimatsmaður, verkstjóri í Eyjum, f. 19. ágúst 1965. Maður hennar er Finnbogi Páll Finnbogason vinnuvélastjóri.

III. Fyrrum sambúðarkona Óla Einars var Maja Jónsdóttir starfsstúlka á Hellu, f. 21. júní 1950 á Herríðarhóli í Ásahreppi. Þau voru bændur á Reynifelli á Rangárvöllum 1976-1981.

IV. Sambúðarkona Óla er Elena Garcia Moreno De Vega, blaðamaður, f. 4. desember 1952 í Barcelona. Þau búa á Eyrarbakka.

---

Heimildir

• Samantekt: Víglundur Þór Þorsteinsson.
• Holtamannabók III – Djúpárhreppur. Valgeir Sigurðsson og fleiri. Ritstjórn: Ragnar Böðvarsson. Rangárþing ytra 2010.
• Íslendingabók.is.
• Magnús Haraldsson.
• Óli Einar.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---