Valgerður Ragnarsdóttir (Garðhúsum)
Valgerður Ragnarsdóttir húsfreyja fæddist 7. júlí 1938 í Eyjum.
Foreldrar hennar voru Ragnar Benediktsson verkstjóri, vigtarmaður, tónlistarmaður, f. 13. mars 1895 á Borgareyri í Mjóafirði eystra, d. 7. júní 1968, og kona hans Guðmunda Valgerður Jónsdóttir húsfreyja, f. 13. desember 1908 á Búrfelli í Borgarfirði, d. 16. október 1978.
Börn Guðmundu Valgerðar og Ragnars:
1. Valgerður Ragnarsdóttir húsfreyja, f. 7. júlí 1938 í Garðhúsum við Kirkjuveg 14.
2. Benedikt Grétar Ragnarsson sparisjóðsstjóri, f. 22. júlí 1942 í Bifröst, d. 20. júní 1999.
3. María Ragnhildur Ragnarsdóttir húsfreyja, f. 10. ágúst 1949 í Bifröst.
Valgerður var með foreldrum sínum í æsku.
Hún lauk 3. bekkjar prófi í Gagnfræðaskólanum 1955, nam í húsmæðraskóla 1957-1958.
Valgerður var fiskiðnaðakona í Eyjum á sumrum á yngri árum, var síðan skrifstofumaður í Fiskiðjunni.
Þau Óli Einar giftu sig 1962, eignuðust þrjú börn. Þau bjuggu í Hrafnatóftum í Djúpárhreppi, Rang. Þau skildu.
Þau Indriði hófu búskap 1998, búa á Ytra-Fjalli í S.-Þing.
I. Maður Valgerðar, (15. september 1962, skildu), var Óli Einar Andersen verkamaður, bóndi, rekandi þungavinnuvéla, bílaviðgerðamaður, f. 7. mars 1941.
Börn þeirra:
1. Erna Ólöf Óladóttir húsfreyja, útgerðarmaður í Mjóafirði eystra, f. 7. apríl 1963 í Eyjum. Fyrrum maður hennar Sigurjón Sigurjónsson. Maður hennar Sævar Egilsson útgerðarmaður.
2. Ragnar Ólason starfsmaður Eflingar í Reykjavík, f. 17. júlí 1964. Fyrrum kona hans Þorbjörg Björk Tómasdóttir.
3. Kolbrún Óladóttir húsfreyja, fiskimatsmaður, verkstjóri í Eyjum, f. 19. ágúst 1965. Maður hennar er Finnbogi Páll Finnbogason vinnuvélastjóri.
II. Maður Valgerðar, (3. október 1998), er Indriði Ketilsson bóndi á Ytra-Fjalli í S-Þing., f. 4. apríl 1934. Foreldrar hans voru Ketill Indriðason bóndi á Ytra-Fjalli, f. 12. febrúar 1896, d. 22. september 1971 og kona hans Jóhanna Hólmfríður Björnsdóttir saumakona, húsfreyja, f. 20. janúar 1899, d. 18. desember 1998.
Heimildir
- Samantekt: Víglundur Þór Þorsteinsson.
- Holtamannabók III – Djúpárhreppur. Valgeir Sigurðsson og fleiri. Ritstjórn: Ragnar Böðvarsson. Rangárþing ytra 2010.
- Íslendingabók.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.