Ólafur Guðnason (Norðurgarði)

Ólafur Rósinkrans Guðnason frá Eystri-Norðurgarði, vélvirki fæddist þar 14. ágúst 1933 og lést 10. september 2021.
Foreldrar hans voru Guðni Finnbogason sjómaður, f. 10. október 1909, d. 2. júlí 1962 og kona hans Guðrún Ágústa Sigurjónsdóttir frá Norðfirði, húsfreyja, f. 24. mars 1913, d. 22. júlí 2011.

Börn Ágústu og Guðna:
1. Ólafur Rósenkranz Guðnason vélvirki, f. 14. ágúst 1933 í Eystri-Norðurgarði, d. 10. september 2021.
2. Helgi Þórarinn Guðnason járnsmíðameistari, vélvirki, f. 4. nóvember 1937 í Eystri-Norðurgarði.
3. Ása Finnboga María Guðnadóttir húsfreyja, f. 2. maí 1945 í Eystri-Norðurgarði.

Ólafur var með foreldrum sínum í æsku.
Hann lærði vélvirkjun og vann við iðnina.
Þau Kristín giftu sig 1956, eignuðust tvö börn. Þau bjuggu á Vilborgarstöðum og síðar á Strembugötu 26.
Kristín lést 2020 og Ólafur 2021.

I. Kona Ólafs, (28. október 1956), var Kristín Schmidt frá Danmörku, húsfreyja, vinnukona, verkakona, f. 31. mars 1935 í Rømø, d. 18. júlí 2020.
Börn þeirra:
1. Birgir Ólafsson tannlæknir, f. 15. febrúar 1960. Fyrrum kona hans Elín Ingibjörg Jacobsen. Sambúðarkona hans Jónína Ásbjörnsdóttir Christensen.
2. Gunnar Ólafsson vélsmíðameistari, f. 31. maí 1964.

---

Heimildir

• Samantekt: Víglundur Þór Þorsteinsson.
• Íbúaskrá Vestmannaeyja 1972.
• Íslendingabók.
• Manntöl.
• Morgunblaðið 11. ágúst 2020. Minning.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---