Jónas Bjarnason (skipstjóri)

Jónas Bjarnason.

Jónas Marel Bjarnason fæddist 21. júní 1899 og lést 24. mars 1978. Jónas var faðir Bjarna Jónassonar útvarpsmanns og Valgeirs, smiðs og bónda á Ofanleiti.

Frekari umfjöllun

Marel Bjarnason sjómaður, skipstjóri, fiskimatsmaður fæddist að Útgörðum í Stokkseyrarhreppi 21. júní 1899 og og lést 24. mars 1978.
Foreldrar hans voru Bjarni Jónasson skipstjóri, f. 2. nóvember 1867 í Kaldaðarnesi í Flóa, d. 14. nóvember 1944, og kona hans Arnlaug Sveinsdóttir húsfreyja, f. 23. apríl 1864 í Nýjabæ u. Eyjafjöllum, d. 11. júní 1947.

Jónas var með foreldrum sínum í æsku, í Útgörðum og Bjarnaborg á Stokkseyri.
Hann fékk skipstjórnarréttindi 1929.
Hann stundaði sjómennsku í Eyjum, var fluttur til Eyja um tvítugt, var sjómaður, skipstjóri. Eftir að Jónas hætti sjósókn, gerðist hann á sumrum starfsmaður Síldarverksmiðja ríkisins á Sigluflrði, m.a. við löndunartækin þar, en vann ýmis störf í Eyjum að vetrinum. Þá var hann og um skeið starfandi við síldarleitina út af Norðurlandi. Jónas vann í Vinnslustöðinni frá árinu 1955, eða um 20 ára skeið.
Hann dvaldi að síðustu í Hraunbúðum.
Þau Valgerður giftu sig 1933, eignuðust 4 börn, en eitt þeirra fæddist andvana. Þau bjuggu í fyrstu á Reynistað, voru komin á Boðaslóð 5 1934 og bjuggu þar síðan. Þau skildu 1955, tóku síðar saman aftur um skeið.
Jónas lést í mars 1978 á Sjúkrahúsinu.
Valgerður lést í ágúst 1978.

I. Kona Jónasar, (1. júní 1933, skildu), var Valgerður Björnsdóttir Bjarnason frá Færeyjum, húsfreyja, f. 1. janúar 1915 í Trangilsvogi, d. 12. ágúst 1978.
Börn þeirra:
1. Gréta Jónasdóttir húsfreyja, f. 19. september 1933 á Reynistað, d. 5. ágúst 2018.
2. Andvana stúlka, f. 14. mars 1936 á Boðaslóð 5.
3. Bjarni Jónasson sjómaður, skipstjóri, matsveinn, kennari, flugmaður, flugrekandi, framkvæmdastjóri, útvarpsrekandi, f. 31. október 1937 á Boðaslóð 5.
4. Valgeir Jónasson húsamíðameistari, smíðakennari, f. 2. febrúar 1944, d. 7. mars 2016.

---

Heimildir

• Samantekt: Víglundur Þór Þorsteinsson.
• Íslendingabók.is.
• Prestþjónustubækur.
• Sjómannadagsblað Vestmannaeyja.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---