Elín Þorvaldsdóttir (Vestra-Stakkagerði)

Elín Þorvaldsdóttir frá Vestra-Stakkagerði, verkakona, húsfreyja á Seltjarnarnesi fæddist 11. október 1941 í Neskaupstað.
Foreldrar hennar voru Hans Þorvaldur Sveinsson frá Hlíð í Norðfirði, sjómaður, f. 16. október 1912 á Strönd þar, drukknaði af vélbátnum Valþóri frá Siglufirði 22. júlí 1947, og kona hans Sigríður Einarsdóttir frá Staðarfelli, húsfreyja, f. þar 5. febrúar 1922, d. 9. júní 1989 í Reykjavík.

I. Barn Sigríðar og Vilhelms Ragnars Ingimundarsonar:
1. Gunnar Vilhelmsson múrari, f. 8. júlí 1939 á Staðarfelli. Kona hans Bjarnveig Gunnarsdóttir.
II. Börn Sigríðar og Hans Þorvaldar Sveinssonar:
2. Elín Þorvaldsdóttir húsfreyja á Seltjarnarnesi, f. 11. október 1941 í Neskaupstað. Maður hennar Pálmi Eyþórsson, látinn.
3. Anna Sigurlaug Þorvaldsdóttir húsfreyja í Þorlákshöfn, f. 19. mars 1944 í Bár í Neskaupstað. Maður hennar Már Michelsen.
4. Sæunn Þorvaldsdóttir hjúkrunarfræðingur, húsfreyja í Svíþjóð, f. 8. maí 1946 í Bár í Neskaupstað. Fósturforeldrar Björn Levý Gestsson, f. 28. september 1889 og síðari kona hans Jóhanna Lárusdóttir, f. 15. maí 1013. Maður hennar Sigurður Þorsteinsson.
5. Þorvaldur Þorvaldsson sjómaður, f. 13. mars 1948 í Vestra-Stakkagerði, d. 2. mars 2009. Kona hans Sigríður Björk Þórisdóttir.
III. Barn Sigríðar og Baldurs Sigurlássonar:
6. Erla Kristinsdóttir húsfreyja í Hafnarfirði og Garðabæ, f. 25. desember 1950 í Vestra-Stakkagerði, var ættleidd . Maður hennar Halldór Svavarsson, látinn.
IV. Börn Sigríðar og Jóns Sigurðar Jóhannessonar:
7. Halldór Sigurðsson bifvélavirki í Reykjavík, f. 19. desember 1953 í Vestra-Stakkagerði, d. 15. janúar 2018. Kona hans Eyrún Guðbjörnsdóttir.
8. Einar Sigurðsson bakarameistari í Þorlákshöfn, f. 26. mars 1955 í Vestra-Stakkagerði. Kona hans Arnheiður Svavarsdóttir.
9. Björk Sigurðardóttir húsfreyja í Hafnarfirði, býr í Bláskógabyggð, f. 7. maí 1957 í Vestra-Stakkagerði. Fyrrum maður hennar Víðir Ástberg Pálsson.
10. Sæmundur Sigurðsson sendibílstjóri í Reykjavík, f. 5. febrúar 1960 í Eyjum. Kona hans Elín Halla Gunnarsdóttir, látin.
11. Sigurður Sigurðsson starfsmaður Volvoverksmiðjanna í Svíþjóð, f. 27. febrúar 1964, d. 5. ágúst 1990. Kona hans Sigurjóna Örlygsdóttir, látin.

Elín var með foreldrum sínum í Neskaupstað fyrstu ár sín, en faðir hennar drukknaði, er hún var á sjötta ári sínu.
Hún fluttist með móður sinni til Eyja 1948 og bjó með henni í Vestra-Stakkagerði, síðar með henni og Sigurði Jóhannessyni þar og á Ásavegi 30.
Elín lauk fjórða bekkjar gagnfræðaprófi í Gagnfræðaskólanum 1959.
Hún vann á Sjúkrahúsinu og við afgreiðslustörf.
Elín eignaðist barn með Þorleifi í Eyjum 1962 og með Hólmgeiri í Reykjavík 1966.
Þau Pálmi giftu sig 1972, eignuðust eitt barn.
Pálmi lést 2014.

I. Barnsfaðir Elínar var Þorleifur Dagbjartsson frá Seyðisfirði, skipstjóri á Stöðvarfirði, f. 18. ágúst 1936, d. 8. mars 2017. Foreldrar hans voru Dagbjartur Guðmundsson verkamaður á Seyðisfirði, f. 19. október 1886, d. 6. apríl 1972, og kona hans Erlendína Jónsdóttir húsfreyja, f. 3. maí 1894, d. 17. júlí 1974.
Barn þeirra:
1. Ómar Þorleifsson vaktstjóri í Reykjavík, f. 11. september 1962 að Ásavegi 30. Kona hans Dagbjört Einarsdóttir.

II. Barnsfaðir Elínar er Hólmgeir Pálmason frá Bergsstöðum á Vatnsnesi í Hún., bifreiðastjóri í Kópavogi, f. 14. janúar 1948. Foreldrar hans voru Pálmi Jónsson bóndi á Bergsstöðum, síðar birgðavörður á Seltjarnarnesi, f. 10. febrúar 1917, d. 3. júní 2001, og kona hans Ingibjörg Daníelsdóttir húsfreyja, saumakona, starfsmaður Pósts og síma, f. 3. mars 1922, d. 15. ágúst 2016.
Barn þeirra:
2. Sigvaldi Hólmgeirsson fiskimatsmaður hjá Granda í Reykjavík, f. 27. desember 1966 í Reykjavík. Fyrrum kona hans Thi Houng Bui.

III. Maður Elínar, (25. nóvember 1972), var Pálmi Eyþórsson verkamaður, f. 26. júlí 1945 á Akureyri, d. 13. apríl 2014 á Landspítalanum. Foreldrar hans voru Eyþór Jónsson verkamaður, síðast í Reykjavík, f. 7. nóvember 1918, d. 6. ágúst 1997, og Aðalbjörg Sigfinnsdóttir frá Gunnlaugsstöðum á Héraði, f. 25. maí 1916, d. 26. nóvember 2009.
Barn þeirra:
3. Guðlaugur Stefán Pálmason verkamaður, öryrki eftir bílslys, f. 4. mars 1972 í Reykjavík. Fyrrum kona hans Annalyn Pastolero.

---

Heimildir

• Samantekt: Víglundur Þór Þorsteinsson.
• Bollagarðaætt á Seltjarnarnesi. Niðjatal Einars Hjörtssonar útvegsbónda í Bollagörðum og konu hans Önnu Jónsdóttur og barnsmóður hans Sigríðar Jónsdóttur. Gylfi Ásmundsson tók saman. Þjóðsaga. Reykjavík 1990.
• Elín.
• Íslendingabók.is.
• Manntöl.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---