Jóna Gíslína Magnúsdóttir

Jóna Gíslína Magnúsdóttir húsfreyja í Hólmgarði fæddist 6. júní 1915 og lést 19. nóvember 1995.
Foreldrar hennar voru Magnús Jónsson múrari, steinhleðslumeistari, f. 17. maí 1874, d. 25. október 1958, og barnsmóðir hans Margrét Jónsdóttir, síðar í Hólmgarði, f. 21. ágúst 1874, d. 3. ágúst 1941.

Jóna var nýfædd með móður sinni og fjölskyldu í Dvergasteini, með þeim á Heklu 1916, á Háeyri 1917, á Heklu 1922, í Nikhól 1924, á Bergstöðum 1927 og á Miðhúsum 1930.
Jóna fór ung til Ólafsfjaðar, en þar bjó Ragnhildur hálfsystir hennar. Hún kynntist þar Óla Jónssyni. Þau fluttust til Eyja og bjuggu á Miðhúsum við fæðingu Önnu Maríu 1932. Þau dvöldu á Ólafsfirði 1934 við fæðingu Magnúsar, voru komin að Miðhúsum aftur 1937 við fæðingu Sigurbjarnar Friðriks.
Þau bjuggu um nokkurra ára skeið í Hólmgarði, en síðan við Brekastíg 6 (Heiðarbýli).

Maður Jónu Gíslínu var Óli Jónsson frá Ólafsfirði, f. 27. júní 1909, d. 30. júlí 1981.
Börn þeirra:
1. Anna María Óladóttir, f. 12. apríl 1932, d. 8. október 2016.
2. Guðjón Magnús (Ólason) Einarsson, f. 11. mars 1934, d. 29. opktóber 2019. Kjörforeldrar hans voru Einar Brynjólfsson og Margrét Einarsdóttir.
3. Sigurbjörn Friðrik Ólason, f. 28. júní 1937, d. 10. febrúar 2020.
4. Einar Marvin Ólason, f. 2. maí 1944, d. 5. nóvember 1968.

---

Heimildir

• Samantekt: Víglundur Þór Þorsteinsson.
• Íslendingabók.is.
• Manntöl.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---