Guðrún Hannesdóttir (Vanangri)

Guðrún Hannesdóttir vinnukona í Eyjum, síðar húsfreyja í Mjósfirði eystra fæddist 3. október 1877 á Grímsstöðum í Meðallandi og lést 18. september 1963.
Foreldrar hennar voru Hannes Hannesson bóndi víða í Meðallandi, f. 12. júlí 1834, d. 6. október 1898, og kona hans Þuríður Sigurðardóttir húsfreyja, f. 29. febrúar 1840, d. 2. mars 1916 í Eyjum.

Börn Þuríðar og Hannesar í Eyjum voru:
1. Þuríður Hannesdóttir húsfreyja á Oddsstöðum og Vesturhúsum, f. 10. júní 1867, d. 4. apríl 1953.
2. Hannes Hannesson vinnumaður, síðar skósmiður á Siglufirði, f. 24. október 1868, d. 28. janúar 1906.
3. Dagbjört Hannesdóttir, síðar húsfreyja í Reykjavík, f. 25. september 1880, d. 2. febrúar 1960.
4. Dómhildur Hannesdóttir, f. 14. september 1865, d. 16. desember 1959. Hún var vinnukona í Eyjum skamma stund um aldamótin 1900.
5. Guðrún Hannesdóttir vinnukona, síðar húsfreyja í Mjóafirði og Reykjavík, f. 3. október 1877, d. 18. september 1963.
6. Rannveig Hannesdóttir vinnukona, síðar húsfreyja í Vesturheimi, f. 7. janúar 1879.
7. Kristín Hannesdóttir vinnukona, síðar húsfreyja í Eyjum í Breiðdal, f. 25. september 1880, d. 23. febrúar 1943.

Guðrún var hjá foreldrum sínum á Grímsstöðum til 1884, í Klauf 1884-1885. Þá fór hún vestur í Rangárvallasýslu, en var á sveit á Hnausum í Meðallandi 1886-1891.
Hún fluttist til Eyja 1891, var léttastúlka á Oddsstöðum á því ári, vinnukona í Vanangri 1892-1894, á Kirkjubæ 1895-1897, er hún fór austur til Mjóafjarðar.
Guðrún var vinnukona á Kolableikseyri þar 1897, var bústýra hjá Ásmundi Þorsteinssyni, þá húsmanni á Gilsá þar, húsfreyja í Skógum 1901.
Þau giftust 1902, bjuggu á Reykjum 1905 og enn 1910, á Hesteyri 1915, í Skólahúsi í Brekkuþorpi þar 1920.
Guðrún var hjá Dómaldi syni sínum á Sléttu þar 1930, fluttist til Reykjavíkur 1942, var þar ekkja 1948 og enn 1962.
Hún lést 1963.

Maður Guðrúnar, (21. desember 1902), var Ásmundur Þorsteinsson bóndi, f. 8. ágúst 1865, d. 15. október 1943.
Börn þeirra hér:
1. Bríet Ásmundsdóttir húsfreyja á Seyðisfirði, f. 3. apríl 1903 í Skógum, d. 1. janúar 1976.
2. Dómald Ásmundsson bóndi á Sléttu í Mjóafirði, síðar afgreiðslumaður í Reykjavík, f. 24. júlí 1905 á Reykjum, d. 12. apríl 1994.
3. Lilja Sæbjörg Ásmundsdóttir, f. 22. mars 1910, d. 5. apríl 1910.
4. Þuríður Ásmundsdóttir húsfreyja í Reykjavík, f. 21. desember 1911, d. 3. ágúst 1949,
5. Kristín Ásmundsdóttir húsfeyja í Reykjavík, f. 1. nóvember 1915 á Hesteyri, d. 2. febrúar 2005.

---

Heimildir

• Samantekt: Víglundur Þór Þorsteinsson.
• Íslendingabók.is.
• Magnús Haraldsson.
• Manntöl.
• Mjófirðingasögur. Vilhjálmur Hjálmarsson. Bókaútgáfa Menningarsjóðs 1987-1990.
• Prestþjónustubækur.
• Vestur-Skaftfellingar 1703-1966. Björn Magnússon. Leiftur 1970-1973.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---