Bjarni Sveinsson (Hvanneyri)

Bjarni Sveinsson.

Bjarni Sveinsson, Hvanneyri, fæddist að Melhól í Meðallandi þann 14. nóvember 1877 og lést 28. júní 1966.

Bjarni kom til Vestmannaeyja árið 1906 sem sjómaður á sexæringnum Elliða, en varð fljótt vélamaður. Árið 1920 hóf hann formennsku á Ásu, sem hann lét smíða og hafði hann formennsku á henni allt til 1930. Þá hætti hann formennsku og lærði járnsmíði og vann við það lengi vel.

---

Heimildir

• Sjómannablaðið Víkingur. Farmanna- og Fiskimannasamband Íslands.

• Viðbætur við heimildir: Gísli Eyjólfsson frá Bessastöðum

Frekari umfjöllun

Bjarni Sveinsson sjómaður, járnsmiður fæddist 14. nóvember 1887 á Undirhrauni (Melhól) í Meðallandi og lést 28. júní 1966.
Foreldrar hans voru Sveinn Ingimundarson bóndi á Melhól (Undirhrauni), f. 18. febrúar 1860, d. 18. janúar 1947, og kona hans Gróa Bjarnadóttir húsfreyja, f. 9. september 1864, d. 22. janúar 1938.

Bjarni var með foreldrum sínum til ársins 1912, en þá fluttist hann til Eyja. Þau Ragnhildur giftu sig 22. desember 1912, áttu þá heimili á Felli, voru leigjendur á Hvanneyri 1913, en það hús var þá nýreist, og þar voru þau enn 1921.
Bjarni var sjómaður í fyrstu í Eyjum, en starfaði að járnsmíði lengst af.
Þau bjuggu á Vesturvegi 21 1930 og þar átti Bjarni síðast heimili. Hann lést 1966.

Kona Bjarna, (22. desember 1912), var Ragnhildur Þórðardóttir húsfreyja, f. 12. apríl 1877, d. 21. nóvember 1969.
Þau munu hafa verið barnlaus, en
fóstursonur Bjarna, barn Ragnhildar, var
1. Guðni Ingvarsson matsveinn, f. 17. júlí 1901, d. 5. október 1975.

---

Heimildir

• Samantekt: Víglundur Þór Þorsteinsson.
• Íslendingabók.is.
• Manntöl.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---