Guðmundur Hákonarson (Hákonarhúsi)

Guðmundur Hákonarson.

Guðmundur Kristján Hákonarson frá Hákonarhúsi við Kirkjuveg 88, vélstjóri, stýrimaður, húsasmiður fæddist 20. september 1915 í Merkinesi í Höfnum og lést 4. febrúar 2006 á Sjúkrahúsinu.
Foreldrar hans voru Hákon Kristjánsson sjómaður, verkamaður, f. 9. febrúar 1889 í Kirkjuvogi í Höfnum, d. 21. apríl 1970, og kona hans Guðrún Vilhelmína Guðmundsdóttir húsfreyja, f. 5. ágúst 1884 á Hvalnesi í Stöðvarfirði, d. 1. júní 1968.

Börn Vilhelmínu og Hákonar:
1. Guðrún Friðrika Ásmundína Hákonardóttir húsfreyja, f. 23. febrúar 1911 í Merkinesi í Höfnum, síðast í Reykjavík, d. 27. júlí 1984.
2. Guðmundur Kristján Hákonarson vélstjóri, stýrimaður, húsasmiður í Eyjum, f. 20. september 1915 í Merkinesi í Höfnum, d. 4. febrúar 2006.
3. Vilborg Hákonardóttir húsfreyja í Eyjum, f. 1. júní 1917 í Merkinesi í Höfnum, d. 3. apríl 1995.
Fósturbarn þeirra, dóttir Guðrúnar dóttur þeirra:
4. Hilma Marinósdóttir húsfreyja, verslunarmaður, f. 30. desember 1932, d. 11. mars 2014.

Guðmundur var með foreldrum sínum, flutti með þeim til Eyja 1922, var hjá þeim á Skjaldbreið 1923 og 1924 og í Vallartúni 1925 og síðan í Hákonarhúsi.
Hann lauk formannsprófi að 12 lestum 1936, tók 75 lesta stýrimannspróf 1942 og Fiskimannapróf hið minna tók hann 1943, lærði á vélstjóranámskeiði Fiskifélags Íslands 1937, lauk yfirvélstjóraprófi fyrir 150 hestöfl 1943 og 250 hestöfl 1948.
Hann lauk húsasmíðanámi 1959.
Guðmundur var vélstjóri og stýrimaður í nokkur ár í Eyjum, starfaði sjálfstætt við smíðar. Hann vann í Þýskalandi 1967-1968 og í Svíþjóð 1968-1969, síðan í Reykjavík til 1989.
Hann var í Slökkviliðinu í Eyjum í mörg ár. Þau Halldóra giftu sig 1941, eignuðust sjö börn. Þau bjuggu í Hákonarhúsi, byggðu við það 1942. Þau fluttu til Reykjavíkur 1973, bjuggu þar í mörg ár, en einnig á Spáni í nokkur ár, en fluttu til Eyja árið 2000.
Guðmundur lést 2006 og Halldóra 2021.

I. Kona Guðmundar, (1. júní 1941), var Halldóra Kristín Björnsdóttir frá Bólstaðarhlíð, húsfreyja, f. 3. apríl 1922, d. 13. október 2021.
Börn þeirra:
1. Björn Bjarnar Guðmundsson, f. 11. nóvember 1941 á Kirkjuvegi 88, d. 11. október 2015. Fyrrum kona hans Þórey Þórarinsdóttir, fyrrum kona hans Aðalheiður Ósk Sigurðardóttir. Kona hans Erna Guðmundsdóttir.
2. Halldór Ingi Guðmundsson, f. 14. október 1946 á Kirkjuvegi 88. Kona hans Anna Þóra Einarsdóttir.
3. Guðmundur Guðmundsson, f. 12. október 1950 á Sjúkrahúsinu. Kona hans Sigríður Stefánsdóttir.
4. Ólafur Guðmundsson, f. 27. janúar 1952 á Kirkjuvegi 88. Kona hans Valgerður Karlsdóttir.
5. Eygló Guðmundsdóttir, f. 17. apríl 1956. Fyrrum maður hennar Ágúst Erlingsson. Fyrrum sambýlismaður hennar er Heimir Freyr Geirsson.
6. Bjarni Ólafur Guðmundsson, f. 10. febrúar 1963. Kona hans Guðrún Marý Ólafsdóttir.
7. Þröstur Guðmundsson, f. 17. janúar 1965.

---

Heimildir

• Samantekt: Víglundur Þór Þorsteinsson.
• Íslendingabók.
• Manntöl.
• Morgunblaðið 11. febrúar 2006. Minning.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---