Benedikt Elías Sæmundsson

Benedikt Elías Sæmundsson.

Benedikt Elías Sæmundsson sjómaður, vélstjóri fæddist 7. október 1907 á Stokkseyri og lést 3. október 2005 á Dvalar- og hjúkrunarheimilinu Hlíð á Akureyri.
Foreldrar hans voru Sæmundur Benediktsson sjómaður, verkamaður, f. 6. desember 1879 í Vestra-Íragerði í Stokkseyrarhreppi, d. 5. september 1955, og kona hans Ástríður Helgadóttir frá Helgastöðum á Stokkseyri, húsfreyja, f. 28. ágúst 1883, d. 30. nóvember 1970.

Börn Ástríðar og Sæmundar:
1. Benedikt Elías Sæmundsson sjómaður, vélstjóri, f. 7. október 1907, d. 3. október 2005.
2. Guðrún Sæmundsdóttir húsfreyja, f. 19. febrúar 1909, d. 24. apríl 1993.
3. Anna Sæmundsdóttir húsfreyja, f. 21. febrúar 1909, d. 26. mars 1998.
4. Ástmundur Sæmundsson bóndi, f. 23. október 1910, d. 28. júlí 1985.
5. Ágúst Sæmundsson, f. 10. ágúst 1912, d. 12. nóvember 1912.
6. Þorgerður Sæmundsdóttir, f. 27. ágúst 1914, d. 18. nóvember 1914.
7. Þorvaldur Sæmundsson kennari, skólastjóri, bæjarfulltrúi, f. 20. september 1918, d. 12. júlí 2007.
8. Helgi Sæmundsson rithöfundur, blaðamaður, f. 17. júlí 1920, d. 18. febrúar 2004.
9. Ástbjartur Sæmundsson skrifstofumaður, framkvæmdastjóri, verslunarstjóri, aðalgjaldkeri, f. 7. febrúar 1926, d. 9. ágúst 2019.

Benedikt var með foreldrum sínum, á Fagrafelli við Hvítingaveg 5 og í Knarrarhöfn við Fífilgötu 8.
Hann tók minna mótorvélstjórapróf á Stokkseyri 1929, meiraprófið í Reykjavík 1940 og vélstjórapróf í Vélskólanum í Reykjavík 1949.
Benedikt var sjómaður. Hann leitaði til Eyja á þriðja áratug aldarinnar og vann bæði sem landmaður, m.a. við netagerð og síðar sem sjómaður.
Hann var vélstjóri á mörgum bátum á vetrarvertíðum og á síldveiðum fyrir Norðurlandi að sumrinu, sigldi til Englands á stríðsárunum, var hann m.a. 1. vélstjóri á Minnie EA 523 hjá Ingvari Guðjónssyni 1934-40, Gunnvöru SÍ 81 hjá sömu útgerð 1940-43 og Fagrakletti GK 260 hjá Jóni Gíslasyni 1944-49. Einnig var hann á togaranum Svalbaki frá Akureyri. Eftir flutning til Akureyrar um fertugt var hann um skeið á póstbátnum Drangi. Eftir að í land kom vann hann hjá hraðfrystihúsi Útgerðarfélags Akureyrar til 1992.
Hann var sæmdur heiðursmerki Sjómannadagsráðs 1989.
Þau Rebekka giftu sig 1946, eignuðust eitt barn. Þau bjuggu á Akureyri.
Rebekka lést í apríl 2005 og Benedikt í október 2005.

I. Kona Benedikts, (2. nóvember 1946), var Rebekka Jónsdóttir frá Rútsstöðum í Öngulsstaðahreppi, Ey., húsfreyja, f. 30. mars 1914, d. 14. apríl 2005. Foreldrar hennar voru Jón Samsonarson bóndi, síðar húsasmíðameistari, f. 4. október 1870 á Hvanneyri í Siglufirði, d. 27. febrúar 1962, og kona hans Valgerður Sigurðardóttir frá Sámsstöðum í Öngulsstaðahreppi, húsfreyja, f. 27. september 1883, d. 8. júlí 1932.
Barn þeirra:
1. Valgerður Benediktsdóttir bankamaður, f. 26. maí 1947 í Knarrarhöfn við Fífilgötu 8 í Eyjum. Maður hennar Þorsteinn Friðriksson.

---

Heimildir

• Samantekt: Víglundur Þór Þorsteinsson.
• Íslendingabók.
• Morgunblaðið 12. október 2005. Minning.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---