Sveinn G. Scheving

Sveinn G. Scheving.

Sveinn Guðjónsson Scheving frá Langholti, vélvirki, vélstjóri, verkstjóri, innkaupastjóri fæddist 27. ágúst 1933 á Faxastíg 8 og lést 5. júní 2009 á Landspítalanum.
Foreldrar hans voru Guðjón Scheving málarameistari, kaupmaður, f. 11. september 1898 í Dölum, d. 9. október 1974, og kona hans Ólafía Jónsdóttir húsfreyja, f. 4. apríl 1904 í Varmahlíð u. Eyjafjöllum, d. 10. apríl 1983.

Börn Ólafíu og Guðjóns:
1. Jón Guðjónsson Scheving, f. 1. mars 1924 á Sólbergi, dáinn 19. desember 1992.
2. Aðalheiður Steina Scheving, f. 19. febrúar 1927 í Bergholti, d. 30. júni 2018.
3. Sveinn Guðjónsson Scheving, f. 27. ágúst 1933 á Faxastíg 8, d. 5. júní 2009.

Sveinn var með foreldrum sínum í æsku.
Hann lauk gagnfræðaprófi í Gagnfræðaskólanum 1950, nam í Vélsmiðjunni Magna og Iðnskólanum og lauk sveinsprófi í vélvirkjun 18. júní 1955. Hann lauk vélstóraprófi í Vélskólanum í Reykjavík 1958.
Sveinn var vélstjóri hjá Landhelgisgæslunni 1958-1960, var vélstjóri og verkstæðisformaður hjá Rafmagnsveitum Ríkisins 1960-1967. Hann var verkstjóri hjá Orkustofnun frá 1967, en var innkaupastjóri Jarðborana frá 1986 uns hann lét af störfum vegna aldurs 2005.
Þau Vibeka giftu sig 1961, skildu.
Þau Kristín giftu sig 1970, eignuðust fjögur börn, bjuggu í Reykjavík.
Sveinn lést 2009.

I. Kona Sveins, (29. júlí 1961, skildu), er Vibeka Meyer Einarsdóttir, f. 16. mars 1940 í Danmörku.

II. Kona Sveins, (21. mars 1970), er Kristín Einarsdóttir húsfreyja, tækniteiknari, f. 10. febrúar 1945. Foreldrar hennar voru Einar Halldór Pálsson, sjómaður, starfsmaður Tollstjóra í Reykjavík, fulltrúi, f. 7. janúar 1911 á Eskifirði, d. 28. febrúar 1992, og kona hans Þuríður Sveinsdóttir frá Hábæ í Vogum á Vatnsleysuströnd, húsfreyja, f. 22. febrúar 1915 á Hafursá í Vallahreppi á Héraði, S.-Múl., d. 15. september 2010.
Börn þeirra:
1. Ómar Þór Scheving viðskiptafræðingur, framkvæmdastjóri innflutningsfyrirtækisins Aros ehf., f. 21. apríl 1966. Sambúðarkona hans, skildu, Hulda Björg Einarsdóttir. Kona hans Eva Hlín Thorarensen.
2. Birgir Scheving kerfisfræðingur í Luxemburg, f. 14. október 1970. Fyrrum kona hans Cynthia Ósk Crawford. Kona hans Paz Alvarez Beneyto.
3. Daníel Sveinsson Scheving viðskiptafræðingur, bankastarfsmaður í Reykjavík, f. 3. nóvember 1977. Sambúðarkona hans Inga Jasonardóttir.
4. Reynir Scheving lyfjafræðingur, f. 15. maí 1979. Kona hans Kristín Helgadóttir.

---

Heimildir

• Samantekt: Víglundur Þór Þorsteinsson.
• Íslendingabók.is.
• Magnús Haraldsson.
• Morgunblaðið 12. júní 2009. Minning.
• Ómar Þór.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---