Óskar Lárusson (Velli)

Óskar Lárusson frá Velli, sjómaður fæddist þar 6. ágúst 1905 og lést 1. nóvember 1955.
Foreldrar hans voru Lárus Halldórsson bóndi, útgerðarmaður, fiskkaupandi á Velli, síðar verkamaður á Gunnarshólma, f. 18. febrúar 1873 á Rauðafelli u. Eyjafjöllum, d. 11. apríl 1957, og kona hans Elsa Dóróthea Ólafsdóttir húsfreyja, f. 27. júlí 1879 í London, d. 27. september 1956.

Börn Elsu Dórótheu og Lárusar:
1. Ólafía Halldóra Lárusdóttir vinnukona, f. 27. október 1902, d. 9. mars 1925.
2. Óskar Lárusson sjómaður, f. 6. ágúst 1905, d. 1. nóvember 1955.
3. Ágúst Theodór Lárusson sjómaður, f. 13. ágúst 1907, d. 7. júlí 1933.
4. Ólafur Lárusson málarameistari, f. 16. september 1909, d. 14. ágúst 1973.
5. Einar Geir Lárusson bifreiðastjóri í Reykjavík, f. 24. september 1913, d. 22. ágúst 1997.
6. Unnur Halla Lárusdóttir húsfreyja í Reykjavík, f. 26. september 1916, d. 20. desember 2004.

Óskar var með foreldrum sínum í æsku og síðan með móður sinni á Velli. Hann eignaðist barn með Vilborgu u. Eyjafjöllum 1927. Hann var farinn úr Eyjum 1940 og dvaldi í Reykjavík.
Hann lést 1955.

I. Barnsmóðir Óskars var Vilborg Þuríður Sigurðardóttir vinnukona á Stóru-Borg, f. 15. ágúst 1901, d. 2. október 1929 úr berklum.
Barn þeirra:
1. Kristbjörg Ólafía Óskarsdóttir húsfreyja í Reykjavík og Garðabæ, f. 9. nóvember 1927 á Stóru-Borg, d. 23. apríl 2003. Maður hennar var Ólafur Jóhannsson.

---

Heimildir

• Samantekt: Víglundur Þór Þorsteinsson.
• Íslendingabók.is.
• Manntöl.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---