Ritverk Árna Árnasonar/Krambúðarklakkurinn

Úr fórum Árna Árnasonar

Krambúðarklakkurinn

Eins og kunnugt er, er Krambúðarklakkurinn gamalt fiskimið hér á Víkinni. Er hann miðaður þannig, að Hásteinninn á að bera við Austurbúðina og ydda á Drengjum undan Klettsnefi.
Fiskaðist þarna stundum heilagfiski, en ekki munu hinir stærri formenn hér hafa stundað það mið. Minni spámennirnir eins og Kobi í „Görn“ og Mundi Stáli, höfðu einkarétt á því, eins og þessi vísa eftir Pál Gíslason bendir til:

Á Krambúðarklakknum Stáli

kúrir úti í norðanbáli,

loðna meður húfu á haus:

„Hásetunum hvergi hlífi,

hart ég geng að þeirra lífi

sem villimaður vægðarlaus“.

Úr fórum Árna Árnasonar, efnisyfirlit