Fanney Magnúsdóttir (Bjarmalandi)

Fanney Magnúsdóttir frá Bjarmalandi, verkakona, húsfreyja í Reykjavík fæddist 3. mars 1928 á Bjarmalandi og lést 4. október 2013.
Foreldrar hennar voru Magnús Magnússon frá Geitagili í Örlygshöfn, skipasmiður í Dvergasteini og á Bjarmalandi, f. 6. október 1882, d. 22. október 1961 og k.h. Oddný Erlendsdóttir frá Skíðbakka í A-Landeyjum, húsfreyja, f. 11. október 1883, d. 9. ágúst 1969.
Börn Oddnýjar og Magnúsar:
1. Hulda Magnúsdóttir húsfreyja í Reykjavík, f. 29. júní 1913 í Ólafshúsum, d. 6. nóvember 1998.
2. Marta Sonja Magnúsdóttir, húsfreyja, saumakona, gangavörður, f. 19. nóvember 1914 á Ingólfshvoli, d. 13. október 2010.
3. Magnús Adolf Magnússon, bifvélavirki, býr í Kópavogi, f. 20. júlí 1916 í Dvergasteini, d. 25. desember 1996.
4. Þórdís Magnúsdóttir vinnukona í Reykjavík, f. 15. september 1917 í Dvergasteini, d. 23. apríl 1939.
5. Jórunn Lilja Magnúsdóttir húsfreyja í Eyjum, f. 5. desember 1919 í Dvergasteini, d. 14. febr. 2008.
6. Erlendína Guðrún Magnúsdóttir, f. 18. júní 1921 í Dvergasteini, d. 21. september 1922.
7. Erlendur Magnússon verkamaður, sjómaður, útgerðarmaður í Reykjavík, f. 13. mars 1923 á Bjarmalandi, d. 9. október 2003.
8. Guðbjört Magnúsdóttir húsfreyja, gangavörður í Reykjavík, f. 31. maí 1924 á Bjarmalandi, d. 27. júlí 2019.
9. Elísabet Fjóla Magnúsdóttir húsfreyja í Reykjavík, f. 24. nóvember 1925 á Bjarmalandi, d. 28. ágúst 2004. Hún varð kjörbarn Helgu Eggertsdóttur húsfreyju og Kristófers Péturs Eggertssonar skipstjóra.
10. Fanney Magnúsdóttir húsfreyja, verkakona í Reykjavík, f. 3. mars 1928 á Bjarmalandi, d. 4. október 2013.

Fanney var með foreldrum sínum í æsku, fluttist með þeim til Reykjavíkur.
Hún bjó hjá þeim á Laugavegi 86a 1943-1946, var húsfreyja á Grettisgötu 10 1946, á Smyrilsvegi 29e 1947-1953 a.m.k., ekkja þar 1952. Hún bjó á Grensásvegi 54 1962, Eskihlíð 16 1979, á Staðarbakka 22 1980, í Hvassaleiti 28 1983, á Þórsgötu 12 1984 og síðar á Norðurbrún 1.
Fanney rak um skeið hverfispöbbinn Hauk á horni við Hagamel.
Þau Halldór eignuðust þrjú börn og Halldór eignaðist eitt barn fyrr. Halldór lést 1952 og Fanney 2013.

I. Maður Fanneyjar var Halldór Oddsson skrifstofumaður, f. 4. desember 1924 í Innri-Njarðvík, d. 28. október 1952. Foreldrar hans voru Oddur Halldór Ólafsson frá Leirá í Leirársveit, Borg., f. 12. júlí 1886, d. 13. júní 1978, og kona hans Þuríður Jónsdóttir frá Kalastöðum í Hvalfirði, húsfreyja, f. 7. nóvember 1889, d. 22. nóvember 1983.
Börn þeirra:
1. Halldór Viðar Halldórsson húsasmíðameistari, eftirlitsmaður hjá Línuhönnun, f. 1. apríl 1947 í Reykjavík. Kona hans Auður Gísladóttir.
2. Birgir Viðar Halldórsson matreiðslumeistari, þjónn, heildsali, stofnandi nethönnunar- og forritunarfyrirtækisins HekluSoft, markaðsmaður þess, f. 22. október 1948 í Reykjavík. Fyrri kona Hrafnhildur Kristrún Kristjánsdóttir. Síðari kona Sæunn Sæmundsdóttir.
3. Konráð Viðar Halldórsson framreiðslumaður, býr í Kaliforníu, f. 12. október 1950 í Reykjavík. Sambýliskona Fjóla Markúsdóttir. Fyrrum kona hans Margrét Sveinsdóttir.

---

Heimildir

• Samantekt: Víglundur Þór Þorsteinsson.
• Íslendingabók.is.
• Manntöl.
• Prestþjónustubækur.
• Símon Gísli Ólafsson.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---