Ólafur Bjarnason (Keldudal)

Ólafur Bjarnason bóndi í Keldudal í Mýrdal, síðar í Eyjum fæddist 26. apríl 1867 í Engigarði í Mýrdal og lést og lést 16. september 1952.
Foreldrar hans voru Bjarni Jónsson bóndi í Engigarði í Mýrdal, f. 26. ágúst 1824 í Svartanúpi í Skaftártungu, d. 11. ágúst 1882 í Engigarði, og síðari kona hans Þórdís Eiríksdóttir húsfreyja, f. 15. júní 1831 á Grímsstöðum í Meðallandi, d. 4. júní 1915 í Keldudal.

Ólafur var með foreldrum sínum í Engigarði til 1885, var vinnumaður í Reynisdal í Mýrdal 1885-1887, í Norður-Vík þar 1887-1894, í Bólstað þar 1894-1895. Þá fór hann til Austfjarða, kom þaðan 1896, var vinnumaður á Steig í Mýrdal 1896-1906.
Ólafur var bóndi í Keldudal 1906-1921, vinnumaður í Hryggjum í Mýrdal 1921-1922, á Ketilsstöðum 1922-1931.
Þau Guðrún fluttust til Eyja 1931. Ólafur var um skeið hjá Gunnari syni sínum í Haga í Flóa, var staddur þar 1950, en átti heimili hjá Sigurlínu dóttur sinni í Eyjum.
Þau Guðrún giftu sig 1908, eignuðust sex börn. Þrjú þeirra settust að í Eyjum.
Guðrún lést 1941 í Eyjum. Ólafur lést 1952.

I. Kona Ólafs, (9. júní 1908), var Guðrún Dagbjartsdóttir húsfreyja, f. 22. maí 1874 á Ketilsstöðum í Mýrdal, d. 3. febrúar 1941 í Eyjum.
Börn þeirra:
1. Dagbjört Ólafsdóttir vinnukona, ráðskona í Reykjavík, f. 28. maí 1901 á Steig, d. 20. júní 1902.
2. Jórunn Sigurlín Ólafsdóttir húsfreyja í Kirkjudal, f. 12. nóvember 1903, d. 29. maí 1995.
3. Bjarngerður Ólafsdóttir húsfreyja á Heiði, f. 11. júní 1907, d. 20. febrúar 1996.
4. Anna Ólafsdóttir húsfreyja í Oddgeirshóla-Austurkoti í Hraungerðishreppi, f. 21. maí 1909, d. 8. júlí 2002.
5. Gunnar Ólafsson refabússtjóri á Haga í Sandvíkurhreppi, f. 3. ágúst 1910, d. 19. desember 1990.
6. Eyvindur Bjarni Ólafsson vinnumaður, sjómaður, f. 11. september 1913, d. 8. júní 1981.

---

Heimildir

• Samantekt: Víglundur Þór Þorsteinsson.
• Íslendingabók.is.
• Vestur-Skaftfellingar 1703-1966. Björn Magnússon. Leiftur 1970-1973.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---