Gunnar Jóhannsson (verkstjóri)

Gunnar Jóhannsson.

Gunnar Jóhannsson frá Þórshöfn á Langanesi, sjómaður, verkstjóri fæddist þar 31. maí 1931 og lést 7. september 2008 á Landspítalanum.
Foreldrar hans voru Hans Sigurd Johansen frá Færeyjum, f. 1909, d. 1987, og kona hans Sigríður Sveinbjörnsdóttir húsfreyja frá Þórshöfn, f. þar 30. maí 1913, d. 18. janúar 1997.
Fósturforeldrar Gunnars voru þau Guðjón Helgason frá Ásseli á Langanesi, bóndi á Brimnesi þar, f. 17, desember 1876, d. 15. október 1955, og bústýra hans Guðrún Helga Guðbrandsdóttir, síðar húsfreyja á Þórshöfn, f. 18. janúar 1893, d. 11. júlí 1990.

Gunnar var með foreldrum sínum, en fór ungur í fóstur að Brimnesi.
Hann flutti til Eyja 15 ára og stundaði lengst sjómennsku.
Eftir flutning til Reykjavíkur 1973 var Gunnar verkstjóri hjá Kirkjusandi, en síðan hjá Samskipum.
Þau Elín hófu búskap, eignuðust þrjú börn. Þau bjuggu á Sveinsstöðum við Njarðarstíg 6, í Antonshúsi við Brekastig 32 og í Steinholti við Kirkjuveg 9a. Þau Fluttu til Reykjavíkur við Gosið 1973, bjuggu þar á Kárastíg og síðan við Lindargötu.
Elín Kristín lést árið 2000.
Þau Þóra Gunnarsdóttir voru í sambúð.
Gunnar lést 2008.

I. Sambúðarkona Gunnars var Elín Kristín Sigmundsdóttir húsfreyja, f. 28. febrúar 1936 á Breiðabólstað, d. 30. desember 2000 á Landspítalanum.
Börn þeirra:
1. Klara Gunnarsdóttir hjúkrunarfræðingur, býr á Selfossi, f. 3. mars 1955. Fyrri maður hennar Páll Ragnarsson, látinn. Síðari maður hennar Víðir Óskarsson.
2. Elsa Gunnarsdóttir sjúkraliði í Eyjum, f. 7. febrúar 1961. Maður hennar Björn Indriðason.
3. Gunnar Hallberg Gunnarsson sjúkranuddari í Reykjavík, f. 27. febrúar 1972. Kona hans Hrönn Birgisdóttir.

---

Heimildir

• Samantekt: Víglundur Þór Þorsteinsson.
• Íslendingabók.
• Manntöl.
• Morgunblaðið 20. september 2008. Minning.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---