Eva Andersen (Sólbakka)

Eva Andersen.

Valgerður Ólafía Eva Andersen fæddist 9. nóvember 1908 og lést 17. september 1992.
Foreldrar hennar voru Hans Peter Andersen útgerðarmaður og skipstjóri á Sólbakka í Eyjum, ættaður frá Danmörku, f. 30. mars 1887 í Frederiksand, d. 6. apríl 1955 og kona hans Jóhanna Guðjónsdóttir húsfreyja, f. 27. febrúar 1889, d. 23. nóvember 1934.

Börn Jóhönnu og Péturs voru:
1. Valgerður Ólafía Eva Andersen, f. 9. nóvember 1908, d. 17. september 1992.
2. Willum Jörgen Andersen, f. 30. september 1910, d. 17. júlí 1988.
3. Knud Kristján Andersen, f. 23. mars 1913, d. 13. desember 2000.
4. Njáll Andersen, f. 24. júní 1914, d. 27. október 1999.
5. Emil Marteinn Andersen, f. 31. júlí 1917, d. 17. mars 1995.
6. Guðrún Svanlaug Andersen, f. 2. mars 1921, d. 25. september 2009.

Börn Péturs og Magneu síðari konu hans:
1. Jóhann Júlíus Andersen, síðar á Seltjarnarnesi, f. 14. nóvember 1938 á Sólbakka.
2. Drengur, f. 1. mars 1942 á Sólbakka, d. 21. maí 1942.
3. Valgerður Andersen húsfreyja, matsveinn, f. 9. desember 1944 á Sólbakka, d. 3. júlí 2013.

Eva var með foreldrum sínum á Löndum 1910 og á Sólbakka 1920.
Hún var tvígift:
I. Fyrri maður hennar var Gísli Finnsson kaupmaður, f. 19. júlí 1903, d. 2. maí 1983.
Þau skildu.
Börn Evu og Gísla voru:
1. Erla Jóhanna Elísabet Gísladóttir húsfreyja í Hergilsey, f. 26. október 1927 á Sólheimum, Njarðarstíg 15, d. 7. júní 2005, kona Valtýs Snæbjörnssonar.
2. Sonja Hansína Gísladóttir, f. 4. júlí 1931 á Vesturhúsum, d. 7. september 1987.
3. Guðfinna Eygló Gísladóttir, f. 26. október 1933 á Hásteinsvegi 5, d. 13. mars 2011.

II. Barnsfaðir Evu var Sigurður Pétur Norðfjörð Sigurðsson verslunarmaður, f. 20. október 1905, d. 24. júlí 1943.
Barn þeirra var
4. Kolbrún Sigurðardóttir Norðfjörð, f. 10. september 1940, d. 12. apríl 1954.
Hún var ættleidd 1947 af Valdimari Tómassyni, síðari manni Evu.

III. Síðari maður Evu var Valdimar Tómasson málari, bifreiðastjóri í Reykjavík, f. 23. febrúar 1904, d. 15. ágúst 1992.
Börn Evu og Valdimars:
5. Jóhanna Andersen Valdimarsdóttir húsfreyja í Kópavogi, f. 29. mars 1946. Maður hennar er Þórlindur Jóhannsson.
6. Laufey Valdimarsdóttir, f. 22. júní 1947.
7. Valdimar Ómar Valdimarsson, f. 23. mars 1950.

Úr minningargrein:
„Amma var mikil listakona í sér hvað snerti alla handavinnu og saumaskap, og bera mörg heimilin í fjölskyldunni okkar vott um það.
Þær voru ófáar flíkurnar sem hún saumaði á okkur og í mörg, mörg ár bjó hún allar gjafir til sjálf, bæði jóla- og afmælisgjafir.
Hún var mikið snyrtimenni og í öll þau 27 ár sem ég hef lifað man ég ekki eftir heimili hennar öðruvísi en allt væri í röð og reglu og hreint út úr dyrum.
Eitt af áhugamálum hennar til margra ára var garðrækt, og naut garðurinn hennar á Bústaðaveginum góðs af því á meðan hún bjó þar.“ (Kolbrún Þórlindsdóttir. Mbl. 24. sept. 1992).

Eva og börn hennar af báðum hjónaböndum.

---

Heimildir

• Samantekt: Víglundur Þór Þorsteinsson.
• Árni Árnason.
• Íslendingabók.is.
• Landeyingabók – Austur-Landeyjar. Valgeir Sigurðsson og fleiri. Ritstjóri: Ragnar Böðvarsson. Austur-Landeyjahreppur, Gunnarshólma 1999.
• Morgunblaðið 24. september 1992. Minning. Kolbrún Þórlindsdóttir.
• Manntöl.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---