Hjálmar Kristinn Helgason

Hjálmar Kristinn Helgason sjómaður, verslunarmaður fæddist 16. júní 1920 í Fagurhól og lést 22. nóvember 1993.
Foreldrar hans voru Helgi Hjálmarsson sjómaður, trésmiður á Hamri, síðar bóndi í Rotum u. Eyjafjöllum, f. 13. október 1880, d. 6. apríl 1976, og fyrri kona hans Guðbjörg Vigdís Guðmundsdóttir húsfreyja, f. 12. desember 1889, d. 25. ágúst 1924.

Börn Helga og Guðbjargar voru:
1. Hermann Helgason vélstjóri, f. 30. janúar 1916 á Löndum, d. 5. júlí 2006. Kona hans var Sigurlaug Guðmundsdóttir.
2. Magnús Helgason, f. 5. júlí 1917 á Túnsbergi, síðast í Reykjavík, d. 3. janúar 1992.
3. Hjálmar Kristinn Helgason sjómaður í Reykjavík, f. 16. júní 1920 í Fagurhól, d. 22. nóvember 1993. Kona hans var Elín Katrín Sumarliðadóttir.
3. Gunnar Ágúst Helgason á Lögbergi, sjómaður, vélstjóri, forstöðumaður, f. 22. janúar 1923 á Hamri, d. 23. nóvember 2000. Kona hans var Ingibjörg Lovísa Guðjónsdóttir.
4. Guðbjörg Helgadóttir Beck húsfreyja á Seltjarnarnesi, f. 18. ágúst 1924 á Hamri, d. 28. maí 2013. Maður hennar var Páll Beck.

Börn Helga og Sigríðar síðari konu hans og hálfsystkini Hjálmars Kristins:
5. Sigurður Helgi Helgason verkamaður í Reykjavík, f. 3. apríl 1926, d. 17. maí 1991, ókvæntur.
6. Hlöðver Helgason í Eyjum, verkamaður, sjómaður, skipstjóri, útgerðarmaður, síðar í Reykjavík, f. 11. september 1927 á Hamri, d. 2. ágúst 2007. Kona hans var Katrín Sólveig Jónsdóttir.
7. Gústaf Helgason verkamaður í Reykjavík, f. 21. ágúst 1928, d. 21. febrúar 2010, ókvæntur.
8. Hugó Helgason, f. 31. mars 1930. Hann fluttist til Svíþjóðar, ókvæntur.
9. Laufey Helgadóttir húsfreyja í Noregi, f. 28. maí 1932. Maður hennar er Kåre Gravdehaug.
10. Unnur Sigrún Helgadóttir húsfreyja í Noregi, f. 21. ágúst 1933. Maður hennar er Kjeld Gundersen.
11. Sigrún Helgadóttir húsfreyja í Reykjavík, f. 11. júlí 1937, d. 18. júní 1987. Hún var gift Sæmundi Inga Sveinssyni bifreiðastjóra.

Hermann var með foreldrum sínum meðan beggja naut við, en móðir hans lést, er hann var fjögurra ára.
Hann var á Hamri 1925 með föður sínum, Sigríði stjúpu sinni og systkinum sínum nema Guðbjörgu, en hún var í fóstri á Akri.
Fjölskyldan fluttist að Rotum u. Eyjafjöllum 1928.
Hjálmar Kristinn fór ungur til sjós á ýmsum fiskiskipum, en hóf síðan störf hjá Heildverslun Kristjáns Ó. Skagfjörð og vann við sölu veiðarfæra.
Þau Elín eignuðust þrjú börn og bjuggu í Reykjavík.

I. Kona Hjálmars Kristins, (7. júní 1952), var Elín Katrín Sumarliðadóttir húsfreyja, f. 21. september 1923, d. 25. nóvember 1997. Foreldrar hennar voru Sumarliði Vilhjálmsson verkamaður, síðast á Ísafirði, f. 13. júní 1886 í Stóru-Ávík, Strand., d. 27. nóvember 1947 og kona hans, (8. október 1910), Sólveig Silfá Gestsdóttir húsfreyja, síðast á Ísafirði, f. 24. september 1888 á Gjögri, Strand., d. 15. júlí 1971.
Börn þeirra:
1. Guðbjörg Solveig Hjálmarsdóttir húsfreyja í Eyjum, starfsmaður á Sjúkrahúsinu, f. 20. apríl 1944. Maður hennar er Baldur Aðalsteinsson sjómaður.
2. Helgi Hjálmarsson húsasmiður í Eyjum, f. 10. janúar 1952. Kona hans er Sesselja Geirlaug Pálsdóttir frá Lögbergi, húsfreyja, skólaliði, vinnur einnig við ræstingar, f. 9. ágúst 1952.
3. Auður Elín Hjálmarsdóttir húsfreyja á Eyrarbakka, leikskólakennari, f. 25. maí 1955. Maður hennar er Rúnar Eiríksson fangavörður, f. 29. nóvember 1950.

---

Heimildir

• Samantekt: Víglundur Þór Þorsteinsson.
• Guðbjörg Solveig Hjálmarsdóttir.
• Íslendingabók.is.
• Manntöl.
• Morgunblaðið 26. nóvember 1993. Minning.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---