Snjáfríður Hildibrandsdóttir
Snjáfríður Hildibrandsdóttir húsfreyja fæddist 28. nóvember 1874 á Brekku í Þykkvabæ í Rang. og lést 4. desember 1944.
Foreldrar hennar voru Hildibrandur Gíslason bóndi í Vetleifsholti í Ásahreppi, Rang., f. 24. febrúar 1832 í Vesturholtum í Þykkvabæ, d. 19. desember 1909, og kona hans Sigríður Einarsdóttir húsfreyja, f. 7. desember 1835 í Búð í Þykkvabæ, d. 7. desember 1918.
Snjáfríður var með fjölmennri fjölskyldu sinni á Brekku 1880, í Vetleifsholti 1890.
Snjáfríður og Björn giftu sig 1897, bjuggu í Vetleifsholti í Ásahreppi, Rang. 1901, voru bændur þar 1902-1904, bjuggu í Reykjavík 1904-1914, voru bændur í Götu í Ásahreppi 1914-1919.
Þau fluttust frá Götu til Eyja 1919 og bjuggu á Eystri-Vesturhúsum næstu 17 árin.
Þau fluttust að Lögbergi um 1936 og bjuggu þar síðan meðan báðum entist líf.
Snjáfríður lést 1944. Björn fluttist til Alfreðs fóstursonar síns á Eystri-Vesturhúsum og lést 1951.
I. Maður Snjáfríðar, (8. júlí 1897), var Björn Guðmundsson bóndi, bifreiðastjóri, verkamaður, f. 15. janúar 1871 í Skarði í Þykkvabæ, Rang., d. 12. janúar 1951 í Eyjum.
Barn þeirra var
1. Sigurður Björnsson bifreiðastjóri, síðar skósmiður í Kaupmannahöfn, f. 27. júlí 1898, d. 16. október 1972.
Fóstursonur hjónanna var
2. Alfreð Washington Þórðarson tónlistarmaður á Vesturhúsum, f. 21. október 1912, d. 2. janúar 1994.
Barn Björns og stjúpsonur Snjáfríðar var
3. Gumundur Björnsson farmaður í Kanada, f. 15. nóvember 1896, d. 5. desember 1967. Kona hans var Ragnhildur Sigurðardóttir.
Heimildir
- Samantekt: Víglundur Þór Þorsteinsson.
- Holtamannabók II – Ásahreppur. Valgeir Sigurðsson og fleiri. Ritstjórn: Ragnar Böðvarsson. Ásahreppur 2007.
- Íslendingabók.is.
- Manntöl.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.