Sólveig Guðnadóttir (forstöðukona)
Sólveig Bára Guðnadóttir frá Ísafirði, húsfreyja, hjúkrunarfræðingur, forstöðukona fæddist þar 31. janúar 1945.
Foreldrar hennar voru Guðni Marinó Ingibjartsson vitavörður, síðar afgreiðslumaður, f. 21. mars 1917, d. 5. maí 2002, og kona hans Guðrún Veturliðadóttir húsfreyja, f. 31. maí 1921, d. 31. ágúst 2010.
Sólveig var með foreldrum sínum í æsku, varð gagnfræðingur í Gagnfræðaskólanum á Ísafirði 1962.
Hún lauk námi í Hjúkrunarskóla Íslands í apríl 1969, síðar BSc-prófi í hjúkrunarfræðum í Háskóla Íslands.
Sólveig vann við Sjúkrahúsið í Eyjum 1971-1974 og 3. nóvember 1976-1983, en hefur verið forstöðukona dvalarheimilis aldraðra í Hraunbúðum frá 1983.
Þau Ásgeir giftu sig 1968, eignuðust þrjú börn. Þau búa í Hrauntúni 39.
I. Maður Sólveigar Báru, (4. júní 1968), er Ásgeir Lýðsson rafvirki, vélstjóri, lögreglumaður, f. 27. desember 1942.
Börn þeirra:
1. Lýður Ágeirsson sjómaður, f. 14. mars 1968. Hann á heimili á Selfossi. Kona hans Ágústa Sigurðardóttir.
2. Gunnar Ásgeirsson kerfisfræðingur, f. 15. ágúst 1969. Hann býr í Svíþjóð. Fyrrum kona hans Kamela Stenberg. Kona hans Lena Johanson.
3. Auður Ásgeirsdóttir húsfreyja, hjúkrunarfræðingur í Eyjum, f. 19. nóvember 1974. Maður hennar Gunnar Ingólfur Gíslason.
Heimildir
- Samantekt: Víglundur Þór Þorsteinsson.
- Hjúkrunarfræðingatal I-III. Hjúkrunarfélag Íslands 1969-1992.
- Íbúaskrá Vestmannaeyja 1979.
- Íslendingabók.is.
- Prestþjónustubækur.
- Vestfirzkar ættir. Arnardalsætt – Eyrardalsætt. Ari Gíslason og V.B. Valdimarsson. V.B. Valdimarsson 1959-1968.
- Þjóðskrá 1986.
Þessi grein tilheyrir Æviskrám Eyjafólks eftir Víglund Þór Þorsteinsson.