Ragnar Jónsson (Garðhúsum)
Ragnar Jónsson frá Nýjabæ (Hryggjum) á Stokkseyri, sjómaður, matsveinn, hótelstjóri fæddist þar 21. júní 1917 og lést 5. nóvember 1996.
Foreldrar hans voru Jón Guðbrandsson sjómaður, verkamaður, f. 22. ágúst 1873, d. 1. júlí 1929, og kona hans Guðný Gísladóttir húsfreyja, f. 21. febrúar 1884, d. 26. júlí 1931.
Ragnar var með foreldrum sínum, en faðir hans lést, er Ragnar var 12 ára. Hann var með ekkjunni móður sinni í Sæborg á Stokkseyri 1930.
Hann eignaðist barn með Sigrúnu 1937.
Þau Ragnheiður giftu sig 1940, eignuðust eitt barn í Eyjum, en alls 4 börn.
Ragnar var sjómaður í Eyjum 1941, bjó með Ragnheiði konu sinni í Garðhúsum við Kirkjuveg 14.
Þau fluttu til Lands. Hann var matsveinn á togurum á stríðsárunum, var hótelstjóri á Húsavík um árabil. Um 1960 flutti fjölskyldan til Hafnarfjarðar. Þar vann hann ýmis störf. Síðustu 11 ár sín bjó hann í Mosfellsbæ.
Ragnheiður lést 1974 og Ragnar 1996.
I. Barnsmóðir Ragnars var Sigrún Jónsdóttir, f. 23. desember 1912, d. 30. apríl 1973.
Barn þeirra:
1. Anna Jóna Ragnarsdóttir barnfóstra, stuðningsfulltrúi í Mosfellsbæ, f. 18. janúar 1937, d. 25. desember 2005. Maður hennar Guðmundur Jóhannesson.
II. Kona Ragnars, (22. desember 1940), var Ragnheiður Helgadóttir frá Húsavík, húsfreyja , f. 31. maí 1917, d. 22. júní 1974.
Börn þeirra:
2. Jóhanna Ragnarsdóttir húsfreyja, f. 13. júlí 1941 í Garðhúsum við Kirkjuveg14. Maður hennar Einar Sigurður Björnsson, látinn.
3. Guðný Ragnarsdóttir, f. 9. júní 1946.
4. Jón Ragnarsson, f. 23. janúar 1950.
5. Helgi Flóvent Ragnarsson, f. 2. ágúst 1951.
Heimildir
- Samantekt: Víglundur Þór Þorsteinsson.
- Íslendingabók.
- Morgunblaðið 15. nóvember 1996. Minning.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.