Markús Jónsson (sjómaður)
Markús Jónsson frá Vestri-Torfastöðum í Fljótshlíð, sjómaður, verkamaður fæddist þar 26. júlí 1893 og lést 3. mars 1924 í Eyjum.
Foreldrar hans voru Jón Egilsson bóndi á Vestri-Torfastöðum, f. 5. mars 1862, d. 19. desember 1937, og kona hans Sigurbjörg Sveinsdóttir húsfreyja, f. 30. október 1864, d. 10. júlí 1939.
Markús var með foreldrum sínum á Vestri-Torfastöðum 1901, var vikapiltur í Þinghól í Hvolhreppi 1909, hjú á Móeiðarhvoli í Oddasókn 1910.
Þau Þuríður giftu sig 1917, eignuðust þrjú börn. Þau voru vinnuhjú á Stóra-Hrauni á Eyrarbakka við giftingu 1917. Bústaður þeirra var Eima á Eyrarbakka 1920. Þar var Markús þurrabúðarmaður.
Þau fluttu til Eyja 1922, bjuggu í Stakkholti. Markús var þar sjómaður, verkamaður.
Hann lést 1924.
Þuríður lést í Hafnarfirði 1978.
I. Kona Markúsar, (10. ágúst 1917 á Stóra-Hrauni á Eyrarbakka), var Þuríður Pálsdóttir frá Reynifelli á Rangárvöllum, húsfreyja, f. þar 2. júlí 1889, d. 23. september 1978.
Börn þeirra:
1. Gunnar Markússon skólastjóri, síðast í Þorlákshöfn, f. 18. október 1918, d. 20. júlí 1997.
2. Kjartan Markússon vélvirki, málmsteypumaður í Hafnarfirði, f. 29. maí 1921, d. 10. apríl 2003.
3. Jóna Sigríður Markúsdóttir húsfreyja í Reykjavík, f. 30. maí 1923 í Stakkholti, d. 6. mars 1988.
Heimildir
- Samantekt: Víglundur Þór Þorsteinsson.
- Íslendingabók.
- Manntöl.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.