Jón Ingi Jónsson
Jón Ingi Björgvin Jónsson vinnumaður, verkamaður, bóndi fæddist 8. febrúar 2011 í Dufþaksholti í Hvolhreppi, Rang. og lést 30. ágúst 1996 á Landspítalanum.
Foreldrar hans voru Jón Jónsson frá Dufþaksholti, bóndi, f. 15. maí 1865, d. 16. apríl 1917, og kona hans Guðlína Sigurborg Jónsdóttir frá Götu í Hvolhreppi, húsfreyja, f. 24. september 1877, d. 11. maí 1974.
Jón Ingi var með foreldrum sínum.
Hann vann snemma fyrir sér, fyrst hjá Björgvin sýslumanni á Efra-Hvoli og síðar á Eyvindarmúla og í Múlakoti í Fljótshlíð.
Þau Soffía giftu sig 1939, fluttu til Eyja. Þau bjuggu á Lágafelli 1940, en í Sætúni, Bakkastíg 10 1945. Árið 1946 réðust þau til Skógræktarinnar á Tumastöðum í Fljótshlíð, stofnuðu til búskapar í Fljótsdal í Fljótshlíð 1950, en fluttust 1955 að Deild þar sem þau bjuggu í 36 ár. Þá brugðu þau búi og fluttust á Hvolsvöll.
Jón Ingi lést 1996 og Soffía 2003.
I. Kona Jóns Inga, (2. september 1939), var Soffía Gísladóttir frá Görðum, húsfreyja, f. þar 31. desember 1915, d. 14. september 2003.
Börn þeirra:
1. Þórir Þröstur Jónsson rafvélavirki, f. 4. febrúar 1940 á Lágafelli. Kona hans er Ragnheiður Skúladóttir húsfreyja.
2. Hrefna Jónsdóttir húsfreyja, f. 9. nóvember 1945 á Bakkastíg 10. Maður hennar var Björn Stefánsson flugumsjónarmaður.
Heimildir
- Samantekt: Víglundur Þór Þorsteinsson.
- Íslendingabók.
- Morgunblaðið 7. september 1996. Minning.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.