Jóhanna Guðrún Jónasdóttir (Nýjabæ)
Jóhanna Guðrún Jónasdóttir húsfreyja í Nýjabæ fæddist 29. október 1898 og lést 23. mars 1955.
Foreldrar hennar voru Steinvör Guðrún Jónsdóttir húsfreyja í Nýjabæ, f. 5. janúar 1868, d. 6. febrúar 1942 og Jónas Helgason bóndi þar, f. 26. september 1851, d. 15. apríl 1914.
Jóhanna var með foreldrum og fjölskyldu í Nýjabæ 1901, svo og 1910. Á árinu 1920 var hún með búandi húsfreyjunni móður sinni í Nýjabæ. Þar eru þá einnig Soffía systir hennar, Jón móðurbróðir hennar Jónsson og barnið Concordia Konráðsdóttir frá Götu, f. 23. apríl 1915, dóttir Konráðs Ingimundarsonar og Guðrúnar Einarsdóttur.
Maður Jóhönnu (7. mars 1924) var Sigurður Jón Þorsteinsson formaður, f. 2. febrúar 1888, d. 23. nóvember 1970.
Börn Jóhönnu og Sigurðar voru:
1. Elísabet Steinvör, f. 3. júlí 1924, d. 25. febrúar 2013.
2. Kristín Jónasína, f. 2. september 1925, d. 6. maí 2013.
3. Marta Sigríður, f. 22. janúar 1927.
4. Helga Sigríður, f. 10. nóvember 1929, d. 14. apríl 2022.
5. Geirþrúður, f. 30. mars 1935.
Heimildir
- Samantekt: Víglundur Þór Þorsteinsson.
- Manntöl.
- Íslendingabók.is.
- Garður.is.
Þessi grein tilheyrir Æviskrám Eyjafólks eftir Víglund Þór Þorsteinsson.