Guðjón Kristinsson (Miðhúsum)

Gaui á Hvoli.

Guðjón Kristinsson fæddist 29. nóvember 1917 og lést 28. mars 1975. Hann bjó á Hvoli við Urðaveg 17 og síðar á Vesturvegi 31. Hann var oftast kenndur við heimili sitt Hvol, en einnig við æskuheimilið Miðhús-vestri.

Kona hans var Kristín Ólafsdóttir. Börn þeirra voru Matthías, Jensína, Ólafur, Hörður, Hrefna og Bryndís.

Guðjón var skipstjóri og útgerðarmaður, m.a. á Hrauney VE.

Óskar Kárason samdi formannavísu um Guðjón:

Kristinsson Guðjón gistir

glæstum á bakka næsta.

Jón Stefáns lætur lóna

laginn um æstan sæinn.

Stórhuga stýris-Þórinn

stífur inn þorskinn drífur,

frökk þó að Rán í rökkri

rökk hýði fríðan nökkva.

Myndir

• 
• 
• 
• 
• 
• 
• 
• 
• 
• 

---

Heimildir

• Óskar Kárason. Formannavísur II. Vestmannaeyjum, 1956.