Eyjólfur Guðlaugsson (Sandgerði)

Úr Heimaslóð, Sögusetri Vestmannaeyja
Fara í flakk Fara í leit

Eyjólfur Guðlaugsson í Sandgerði, verkamaður fæddist 8. nóvember 1906 á Kirkjubæ og lést 15. september 1930.

Foreldrar hans voru Sigurborg Eyjólfsdóttir verkakona, f. 9. mars 1867 á Ytri-Sólheimum í Mýrdal, d. 24. ágúst 1933, og barnsfaðir hennar Guðlaugur Gíslason frá Eyvakoti á Stokkseyri, þá vinnumaður á Heiði, f. 4. ágúst 1881, d. 17. desember 1953.

Börn Sigurborgar voru:
I. Með Ólafi Símonarsyni,
1. Árni Ólafsson, síðar fiskimatsmaður í Túni, f. 5. september 1898 í Ysta-Skála undir Eyjafjöllum, d. 22. september 1959.
II. Með Valda Jónssyni,
2. Lára Valdadóttir, síðar húsfreyja í Reykjavík, f. 28. október 1902 á Moldnúpi u. Eyjafjöllum, d. 19. nóvember 1989.
III. Með Guðlaugi Gíslasyni,
3. Eyjólfur Guðlaugsson verkamaður, f. 8. nóvember 1906 á Kirkjubæ, d. 15. september 1930.

Eyjólfur drukknaði af bátskænu, sem hvolfdi á Höfninni 15. september 1930.
Hann var ókvæntur og barnlaus.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.