Ethel Brynja Sigurvinsdóttir
.jpg)
Ethel Brynja Sigurvinsdóttir frá Hergilsey við Kirkjuveg 70, hjúkrunarfræðingur, heilsunuddari fæddist 29. maí 1956.
Foreldrar hennar voru Sigurvin Snæbjörnsson byggingameistari, f. 29. mars 1926, d. 16. janúar 1997, og kona hans Svanþrúður Frímannsdóttir húsfreyja, f. 7. janúar 1930, d. 20. janúar 2010.
Börn Svanþrúðar og Sigurvins:
1. Guðný Sigurvinsdóttir læknaritari, f. 28. nóvember 1947. Maður hennar Kristinn Atlason.
2. Guðný Ólafsdóttir Sigurvinsdóttir, kjördóttir, dóttir Steinunnar systur Sigurvins, býr í Danmörku, f. 5. október 1950. Maður hennar Kaare Solem.
3. Sif Sigurvinsdóttir læknaritari, f. 5. desember 1951. Maður hennar Jón L. Sigurðsson.
4. Ethel Brynja Sigurvinsdóttir hjúkrunarfræðingur, f. 29. maí 1956. Maður hennar Daníel Sigurðsson.
Ethel var með foreldrum sínum í æsku, flutti með þeim til Hafnarfjarðar 1958.
Hún lauk 5. bekkjar námi í Gagnfræðaskóla Garðabæjar 1974, 6. bekk Flensborgarskóla 1975 og námi við Nýja hjúkrunarskólann í desember 1978. Ethel lærði heilsunudd 1992-1997 og öðlaðist meistararéttindi.
Ethel vann á Vífilsstaðaspítala frá mars 1979-maí 1980, Barnaspítala Hringsins maí 1980-apríl 1984, Heilsugæslustöðinni á Hellu, Rang. maí 1984-júní 1985, Dvalarheimilinu Lundi á Hellu maí 1984-júní 1985. Ethel var aðstoðardeildarstjóri Barnaspítala Hringsins júní 1985-september 1987, vann á bráðamóttöku Landspítalans frá september 1987-1992, vann á lungnadeild Landsdpítalans með hléum til 2008, vann á Heilsuverndarstöð Reykjavíkur um skeið 2008 og hefur unnið á Elliheimilinu Grund frá desember 2008.
Þau Daníel giftu sig 1978, eignuðust fjögur börn. Þau búa í Garðabæ.
I. Maður Ethelar, (15. júlí 1978), Daníel Sigurðsson kranamaður, hönnuður, myndlistarmaður, f. 18. júlí 1952. Foreldrar hans Sigurður Kristinsson málarameistari, forseti Landsamband iðnaðarmanna, f. 12. ágúst 1922, og kona hans Anna Dagmar Daníelsdóttir húsfreyja, f. 4. desember 1925, d. 24. mars 2022.
Börn þeirra:
1. Anna Dagmar Daníelsdóttir táknmálstúlkur, f. 29. október 1976. Maður hennar Jón Haukdal Þorgeirsson.
2. Svanur Daníelsson véla- og orkuverkfræðingur, rekur eigið fyrirtæki, f. 12. maí 1981. Kona hans Elín Björg Björnsdóttir.
3. Tinna Sif Daníelsdóttir hjúkrunarfræðingur, f. 3. apríl 1987.
Maður hennar Guðbjörn Olsen Jónsson.
4. Aron Örn Daníelsson vélvirki, f. 8. nóvember 1992. Sambúðarkona hans Sandra Ósk Eggertsdóttir.
Heimildir
- Samantekt: Víglundur Þór Þorsteinsson.
- Ethel.
- Hjúkrunarfræðingatal I-III. Hjúkrunarfélag Íslands 1969-1992.
- Íslendingabók.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.