Elísabet Arnoddsdóttir (hjúkrunarfræðingur)
Elísabet Arnoddsdóttir hjúkrunarfræðingur fæddist 18. ágúst 1942 á Hásteinsvegi 31.
Foreldrar hennar voru Arnoddur Gunnlaugsson frá Gjábakka, skipstjóri, útgerðarmaður, f. 25. júní 1917, d. 19. október 1995, og kona hans Anna Pálína Halldórsdóttir frá Þönglabakka í Þorgeirsfirði, S.Þing., húsfreyja, f. 11. júlí 1916, d. 17. júlí 2002.
Barn Önnu og Arnodds:
1. Elísabet Arnoddsdóttir húsfreyja, hjúkrunarfræðingur, f. 18. ágúst 1942. Maður hennar Erlendur G. Pétursson.
Fósturbörn þeirra:
2. Birgir Vigfússon sjómaður, stýrimaður, f. 22. júlí 1941. Hann er sonur Sigurbjargar Gunnlaugsdóttur systur Arnodds. Kona hans Svandís Anna Jónsdóttir, látin.
3. Jóhannes Jóhannesson bifvélavirki, bifvélatæknifræðingur, f. 2. september 1947, d. 19. október 1997. Hann var sonur Jóhannesar bróður Önnu Pálínu. Kona hans Ólafía Björk Davíðsdóttir.
Elísabet var með foreldrum sínum í æsku.
Hún varð 4. bekkjar gagnfræðingur í Gagnfræðaskólanum 1959, lauk námi í Hjúkrunarskóla Íslands í október 1963.
Elísabet var hjúkrunarfræðingur í Sjúkrahúsinu í Eyjum 1. desember 1963 til 29. desember 1964, á handlækningadeild Landspítalans janúar 1965-nóvember 1966, á lyflækningadeild Landspítalans maí til ágúst 1969, á Sjúkrahúsinu í Eyjum öðru hverju frá 1969 til starfsloka 1992.
Elísabet sat í heilbrigðisnefnd Eyjanna í 12 ár, í sjúkrahússstjórn í 12 ár.
Hún var útnefnd Eyjamaður ársins af Eyjafréttum 2021.
Þau Erlendur giftu sig 1965, eignuðust fjögur börn. Þau bjuggu við Sólhlíð 7 1972, við Illugagötu 19, við Stóragerði 8, en búa nú við Strandveg 71.
I. Maður Elísabetar, (11. desember 1965), er Erlendur Gísli Pétursson húsasmíðameistari, f. 4. maí 1943.
Börn þeirra:
1. Arnoddur Erlendsson djúpsjávarkafari, býr í Mosfellsbæ, f. 16. febrúar 1967. Kona hans Sigurbjörg Ingólfsdóttir.
2. Pétur Freyr Erlendsson tónlistarmaður, húsasmiður í Hafnarfirði, f. 9. október 1970. Kona hans Ragnhildur Ósk Magnúsdóttir.
3. Anna Stefanía Erlendsdóttir kennari, guðfræðingur. Hún býr á Selfossi, er kennari við barnaskólann á Stokkseyri og Eyrarbakka, f. 30. janúar 1974.
4. Gunnlaugur Erlendsson kafari í Eyjum, f. 30. janúar 1974. Kona hans Drífa Þöll Arnardóttir.
Heimildir
- Samantekt: Víglundur Þór Þorsteinsson.
- Elísabet.
- Hjúkrunarfræðingatal I-III. Hjúkrunarfélag Íslands 1969-1992.
- Íslendingabók.
- Prestþjónustubækur.
- Þjóðskrá 1972.
Þessi grein tilheyrir Æviskrám Eyjafólks eftir Víglund Þór Þorsteinsson.