Bernótus Kristjánsson (Stað)
Bernótus Kristjánsson frá Stað við Helgafellsbraut 10, skipstjóri fæddist 17. september 1925 og lést 29. september 2014.
Foreldrar hans voru Kristján Egilsson frá Miðey í A-Landeyjum, útgerðarmaður, verkstjóri, f. 27. október 1884, d. 17. desember 1949, og kona hans Sigurbjörg Sigurðardóttir frá Kirkjulandshjáleigu í A-Landeyjum, húsfreyja, f. 5. maí 1895, d. 16. mars 1969.
Börn Sigurbjargar og Kristjáns:
1. Bernótus Kristjánsson skipstjóri hjá Eimskipum, f. 17. september 1925 á Stað, d. 29. septembver 2014.
2. Símon Kristjánsson útgerðarmaður, fiskverkandi, framkvæmdastjóri, f. 2. september 1926 á Stað, d. 6. október 1997.
3. Egill Kristjánsson smiður, f. 14. október 1927 á Stað, d. 21. ágúst 2015.
4. Guðrún Kristjánsdóttir húsfreyja, saumakona í Reykjavík, f. 25. ágúst 1929 á Stað, d. 3. janúar 2015.
5. Emma Kristjánsdóttir húsfreyja, f. 22. apríl 1936 á Stað.
Bernótus var með foreldrum sínum í æsku.
Hann lauk farmannaprófi 1951.
Bernótus hóf sjómennsku 17 ára, var á bátum í Eyjum til ársloka 1946, var háseti á Sæfellinu 1947 og síðan á dönsku flutningaskipi. Hann hóf störf hjá Eimskipafélagi Íslands 1948, var háseti, stýrimaður og skipstjóri, fastráðinn skipstjóri 1970 og hætti síðla árs 1991.
Bernótus átti barn með Róseyju Sigríði 1950 og með Sigurlaugu 1956.
Þau Þórunn giftu sig, eignuðust tvö börn.
I. Barnsmóðir Bernótusar var Rósey Sigríður Helgadóttir, f. 28. nóvember 1921, d. 7. febrúar 2005.
Barn þeirra:
1. Sigrún Bernótusdóttir, f. 10. desember 1950, d. 24. apríl 1980. Barnsfeður hennar Skarphéðinn Ólafsson og Þorsteinn Guðbjartsson.
II. Barnsmóðir Bernótusar var Sigurlaug Halla Ólafsdóttir, f. 12. apríl 1922, d. 4. september 2017.
Barn þeirra:
2. Vilborg Lofts, f. 12. desember 1956. Maður hennar Ásgeir Ásgeirsson.
III. Kona Bernótusar var Þórunn Matthíasdóttir húsfreyja, starfsmaður hjá Garðyrkjustjóra Reykjavíkur, f. 8. september 1927 í Reykjavík, d. 20. apríl 2012. Foreldrar hennar voru Matthías Ólafsson frá Syðri-Völlum í Flóa, húsasmiður, f. 13. janúar 1896, d. 17. maí 1936, og kona hans Ingunn Guðmundsdóttir húsfreyja, f. 21. nóvember 1903 í Reykjavík, d. 14. apríl 1977.
Börn þeirra:
3. Ingunn Bernótusdóttir viðskiptafræðingur, f. 19. október 1960. Maður hennar Guðmundur Skúli Viðarsson.
4. Kristján Þór Bernótusson rafvirki, f. 28. mars 1968. Kona hans Svava María Martinsdóttir.
Heimildir
- Samantekt: Víglundur Þór Þorsteinsson.
- Skipstjóra- og stýrimannatal. Guðmundur Jakobsson. Ægisútgáfan 1979.
- Íslendingabók.
- Morgunblaðið 9. október 2014. Minning.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.
