Anna Einarsdóttir (Skógtjörn)
Anna Einarsdóttir frá Níelsarhjalli húsfreyja á Skógtjörn á Álftanesi fæddist 12. mars 1814 og lést 21. júlí 1845.
Faðir hennar var Einar bóndi í Efri-Vatnahjáleigu, Búðarhóli og Álftarhóli í A-Landeyjum, f. 17. maí 1786, d. 6. febrúar 1819, Einarsson bónda á Kanastöðum þar, f. 30. janúar 1747, á lífi 1813, Einarssonar bónda í Drangshlíð u. Eyjafjöllum, f. 1710, Hallssonar, og konu Einars Hallssonar, Iðbjargar húsfreyju, f. 1708, Einarsdóttur.
Móðir Einars í Efri-Vatnahjáleigu og síðari kona Einars á Kanastöðum var Anna húsfreyja, f. 1742, d. 2. nóvember 1812, Vigfúsdóttir.
Móðir Önnu á Skógtjörn og kona Einars í Efri-Vatnahjáleigu var Hallbera húsfreyja, f. 1779 á Kirkjulæk í Fljótshlíð, d. 14. maí 1858 á Ljótarstöðum í A-Landeyjum, Benediktsdóttir bónda á Arngeirsstöðum í Fljótshlíð, f. 1746, d. 6. febrúar 1806, Eyjólfssonar bónda í Stóru-Mörk u. Eyjafjöllum, f. 1693, d. 1769, Jónssonar, og konu Eyjólfs, Helgu húsfreyju, f. 1720, d. 4. febrúar 1804, Eyjólfsdóttur.
Móðir Hallberu í Efri-Vatnahjáleigu og kona Benedikts á Arngeirsstöðum var Ingveldur húsfreyja, f. 1744, d. 11. júlí 1817, Þorkelsdóttir bónda á Grjótá í Fljótshlíð, f. 1714, d. 3. september 1783, Höskuldssonar, og konu hans, Gunnhildar húsfreyju, f. 1715, d. 20. janúar 1799, Hafliðadóttur.
Börn Hallberu og Einars í Eyjum voru:
1. Benedikt Einarsson formaður á Gjábakka, f. 15. október 1809, d. 19. júní 1850.
2. Einar Einarsson í Kastala, f. 25. september 1812, d. 18. nóvember 1842.
3. Anna Einarsdóttir frá húsfreyja á Skógtjörn á Álftanesi, f. 12. mars 1814, d. 21. júlí 1845.
4. Eyjólfur Einarsson frá Níelsarhjalli sjómaður, bóndi í Gesthúsakoti á Álftanesi, f. 6. júní 1817, d. 30. maí 1888.
Anna var með foreldrum sínum á Álftarhóli í A-Landeyjum í bernsku, en faðir hennar dó, er hún var nær 5 ára. Móðir hennar bjó áfram á Álftarhóli til 1823, en fluttist þá með Önnu til Eyja, var vinnukona á Ofanleiti með Önnu hjá sér til 1824 og þar í prestlausu búi 1825 með Níels Abrahamssyni vinnumanni, en Guðfinna Guðmundsdóttir ljósmóðir sennilega fyrir búi með Vigfúsi Bergssyni syni sínum og Jóni Gíslasyni sambýlismanni sínum.
Anna var gift kona Stígs Halldórssonar í Hákoti á Álftanesi 1835, á Eyvindarstöðum þar og Eyvindarstaðakoti, við barneignir sínar. Hún ól 5 börn, missti 4 ung, en ekki er kunnugt um ævi eins þeirra. Hún lést 1845.
Maður Önnu, (1. febrúar 1835), var Stígur Halldórsson sjómaður frá Köldukinn á Álftanesi, f. 8. október 1798. Hann var þá ekkill í Hákoti eftir Vigdísi Jónsdóttur, sem dó eftir barnsfarir 1834. Foreldrar hans voru Halldór Stígsson bóndi á Bakka í Garðahreppi, húsmaður á Köldukinn þar og Melkjörskofa þar, f. 1768, og kona hans Guðrún Ögmundsdóttir húsfreyja, f. 30. mars 1771 á Vatnsenda í Seltjarnarneshreppi, d. 23. júní 1809 í Hvammkoti í Seltjarnarneshreppi.
Börn Önnu og Stígs vor:
1. Snjólaug Stígsdóttir, f. 14. september 1836 a Eyvindarstöðum, d. 16. júlí 1839.
2. Snjólaug Stígsdóttir, f. 14. júní 1841 á Eyvindarstöðum, d. 2. júlí 1841.
3. Auðbjörg Stígsdóttir, f. 17. ágúst 1842 á Eyvindarstaðakoti, d. 6. september 1851.
4. Snjólaug Stígsdóttir, f. 17. ágúst 1842 í Eyvindarstaðakoti.
5. Stígur Stígsson, f. 1. júlí 1844 í Eyvindarstaðakoti, d. 17. júní 1846.
Heimildir
- Samantekt: Víglundur Þór Þorsteinsson.
- Íslendingabók.is.
- Landeyingabók – Austur-Landeyjar. Valgeir Sigurðsson og fleiri. Ritstjóri: Ragnar Böðvarsson. Austur-Landeyjahreppur, Gunnarshólma 1999.
- Magnús Haraldsson.
- Manntöl.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.