Andrés Sigmundsson (bakarameistari)

Andrés Sigmundsson fæddist 11. desember 1949 í Vestmannaeyjum. Foreldrar hans eru Sigmundur Andrésson bakarameistari og safnvörður frá Eyrarbakka og Dóra Hanna Magnúsdóttir. Fyrri kona Andrésar er Hrafnhildur Ástþórsdóttir. Síðari kona Andrésar var Þuríður Freysdóttir. Andrés lauk sveinsprófi í bakaraiðn árið 1972 og rak lengi Magnúsarbakarí í Vestmannaeyjum.

Andrés var bæjarfulltrúi í Vestmannaeyjum frá 1982-1990 og einnig frá 2002-2006 fyrir Framsóknarflokkinn.

---

Heimildir

• Haraldur Guðnason. Við Ægisdyr: Saga Vestmannaeyjabæjar í 60 ár. II. bindi. Reykjavík: Vestmannaeyjabær, 1991.