Þorkell Eiríksson (Gjábakka)
Þorkell Eiríksson sjómaður á Eystri-Gjábakka fæddist 16. febrúar 1853 í Reykjavík og lést 18. apríl 1920.
Foreldrar hans voru Eiríkur Tómasson bóndi og formaður á Eiði á Seltjarnarnesi, Háholti í Reykjavík, Þerney og Víðinesi í Mosellssveit og víðar, f. 1826, d. 27. febrúar 1879, og kona hans Agnes Magnúsdóttir húsfreyja, f. 1830.
Þorkell var með foreldrum sínum í Háholti 1855 og í Þerney 1860.
Hann var 17 ára vinnumaður á Úlfmannsfelli (annað nafn á Úlfarsfelli) í Mosfellssveit 1870, vinnumaður í Vestdal í Seyðisfirði 1880.
1890 bjó hann með Sigurveigu og 3 börnum sínum í Garðhúsabæ í Reykjavík, tvö eldri börnin höfðu fæðst á Seyðisfirði, en yngsta barnið tveggja ára fæddist í Reykjavík.
1901 bjuggu hjónin í Sauðagerði í Reykjavík með Kristmanni, Friðbirni, Aðalbjörgu Jónínu Dóróteu og Dagmar, en Eirikka var fjarri, var tökubarn í Pálshúsi.
Hjónin fluttust til Eyja 1905 með Eirikku, Aðalbjörgu og Dagmar. Þau voru húsfólk í Péturshúsi, (áður Vanangur), 1906 með Dagmar dóttur sína hjá sér, en Aðalbjörg var tökubarn í Klöpp. Friðbjörn og Eirikka Guðrún voru vinnufólk í Steinholti hjá Kristmanni bróður sínum.
1910 voru þau Þorkell húsfólk á Eystri-Gjábakka með Dagmar hjá sér, hann sjómaður. Þau voru þar í sambýli við Friðbjörn og fjölskyldu hans.
Kristmann sonur þeirra stóð að rifi Nöjsomhed og byggingu Stafholts á stæðinu 1911. Þau Sigurveig bjuggu þar meðan Þorkeli entist líf.
Þorkell lést 1920 og Sigurveig bjó í Steinholti í sambýli við Kristmann og fjölskyldu hans.
Kona Þorkels, (1883), var Sigurveig Samsonardóttir húsfreyja, f. 26. mars 1854 í Svalbarðssókn í N-Þing., d. 7. ágúst 1930.
Börn þeirra hér:
1. Friðbjörn Þorkelsson, f. 25. ágúst 1885 á Seyðisfirði, d. 4. maí 1957.
2. Kristmann Agnar Þorkelsson yfirfiskimatsmaður, f. 23. júlí 1884 á Seyðisfirði, d. 22. janúar 1972.
3. Eirikka Guðrún Þorkelsdóttir vinnukona í Steinholti 1906, húsfreyja á Eskifirði, f. 14. júlí 1888 í Reykjavík, d. 3. desember 1970.
4. Aðalbjörg Jónína Dóróthea Þorkelsdóttir vinnukona á Hallgilsstöðum 1910, f. 5. janúar 1892, d. 5. nóvember 1965.
5. Dagmar Þorkelsdóttir húsfreyja, síðast í Hafnarfirði, f. 25. september 1897 í Reykjavík, d. 22. febrúar 1983.
Heimildir
- Samantekt: Víglundur Þór Þorsteinsson.
- Íslendingabók.is.
- Manntöl.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.
Þessi grein tilheyrir Æviskrám Eyjafólks eftir Víglund Þór Þorsteinsson.