Þórunn Guðjónsdóttir (Hvanneyri)
Þórunn Guðjónsdóttir frá Hvanneyri, húsfreyja í Indriðakoti u. Eyjafjöllum fæddist 22. maí 1898 og lést 28. nóvember 1990.
Foreldrar hennar voru Guðjón Sigurðsson bóndi í Vestur-Holtum, f. 1860, d. 24. júlí 1903, og kona hans Rannveig Einarsdóttir húsfreyja, f. 19. júlí 1866, d. 21. október 1945.
Börn Rannveigar og Guðjóns:
1. Einarsína Guðjónsdóttir, f. 16. júní 1890, dó ung.
2. Jón Guðjónsson útgerðarmaður, fiskimatsmaður, síðar umsjónarmaður, f. 16. apríl 1892 í Vestur-Holtum, d. 22. desember 1972.
2. Ólöf Guðjónsdóttir, f. 14. maí 1893, d. 14. apríl 1894.
3. Sigurður Guðjónsson bóndi á Sauðhúsvelli, f. 5. febrúar 1896, d. 12. maí 1970.
4. Þórunn Guðjónsdóttir vinnukona, síðar húsfreyja í Reykjavík, f. 22. maí 1898, d. 28. nóvember 1990.
5. Dýrfinna Guðjónsdóttir fósturbarn í Holti u. Eyjafjöllum 1910, uppeldisbarn í Reykjavík 1920, síðar saumakona þar, f. 19. júní 1901, d. 3. maí 1975.
6. Einar Guðjónsson járnsmíðameistari, framkvæmdastjóri í Reykjavík, f. 4. júní 1903, d. 27. nóvember 1992.
Faðir Þórunnar lést, er hún var fimm ára gömul. Hún var með móður sinni og fluttist með henni og Jóni bróður sínum til Eyja 1906, var með móður sinni í vinnumennsku hennar á Vesturhúsum hjá Guðmundi Þórarinssyni og Guðrúnu Erlendsdóttur 1907, síðan hjá Magnúsi syni þeirra.
Þær mæðgur bjuggu á Hvanneyri 1912-1920 og Þórunn bjó með Sigurði þar við giftingu 1920, en á Rauðafelli, Vestmannabraut 58b við fæðingu Jónu 1921.
Þau Sigurður giftu sig 1920, eignuðust Jónu 1921, en skildu síðan.
Þórunn var með Jónu á Hvanneyri 1922 og enn 1932, er hún giftist Jóhanni.
Þau Jóhann fluttust að Indriðakoti u. Eyjafjöllum, voru bændur þar, eignuðust eitt barn.
Þau bjuggu síðast í Skeiðarvogi 79 í Reykjavík.
Jóhann lést 1977 og Þórunn 1990.
I. Fyrri maður Þórunnar, (2. október 1920, skildu), var Sigurður Björnsson bifreiðstjóri, síðar skósmiður í Kaupmannahöfn, f. 28. júlí 1898 í Vetleifsholti, Ásahreppi, d. 16. október 1972 í Danmörku.
Barn þeirra:
1. Jóna Sigurðardóttir, f. 12. apríl 1921 á Rauðafelli.
II. Síðari maður Þórunnar, (16. júlí 1932 í Eyjum), var Jóhann Bjarnason þá vinnumaður í Indriðakoti u. V-Eyjafjöllum, f. 6. mars 1897 í Stokkseyrarseli í Árn., síðast í Skeiðarvogi 79, d. 29. október 1977. Foreldrar hans voru Bjarni Bjarnason bóndi í Indriðakoti 1910, f. 23. júní 1862, d. 13. júlí 1947, og kona hans Ólöf Bergsdóttir húsfreyja, f. 16. október 1862, d. 22. febrúar 1943.
Systkini Jóhanns í Eyjum:
a. Guðrún Bjarnadóttir húsfreyja á Hvanneyri, f. 20. apríl 1902, d. 16. desember 1987.
b. Ásólfur Bjarnason sjómaður, f. 17. apríl 1904, d. 24. maí 1988.
c. Þorgils Bjarnason sjómaður, verkamaður, f. 9. september 1905, d. 21. júní 1994.
Barn Þórunnar og Jóhanns var
2. Einar Jóhannsson, vélvirkjameistari, vélstjóri, f. 4. febrúar 1934 í Indriðakoti, d. 23. september 2006. Fyrri kona hans, (skildu) var Antonía Björnsdóttir húsfreyja. Síðari kona, (skildu), var Erla Sigurðardóttir.
Heimildir
- Samantekt: Víglundur Þór Þorsteinsson.
- Íslendingabók.is.
- Manntöl.
- Morgunblaðið 29. september 2006. Minning Einars Jóhannssonar.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.