Ágústa Hulda Árnadóttir
Ágústa Hulda Árnadóttir húsfreyja, matráður fæddist 16. janúar 1962 í Eyjum.
Foreldrar hennar voru Árni Ásgrímur Pálsson frá Vestra-Þorlaugargerði, smiður, húsvörður, f. 14. september 1942 í Glaumbæ í Langadal í A.-Hún., d. 27. mars 2011, og kona hans Linda Gústafsdóttir frá Bjarma við Miðstræti 4, húsfreyja, f. 31. júlí 1943.
Ágústa var með foreldrum sínum, í Vestra-Þorlaugargerði, við Hásteinsveg 7 og í Sólheimatungu við Brekastíg 14, flutti með þeim til lands 1973.
Hún lærði matartækni í Menntaskólanum í Kópavogi.
Ágústa vann við fiskiðnað, en hefur unnið við matreiðslu á Sjúkrahúsinu og á leikskóla.
Hún eignaðist barn með Róbert 1978.
Hún eignaðist barn með Jessy James Woodland 1986.
Þau Þorleifur giftu sig 1994, eignuðust tvö börn og Þorleifur var fóstri barna hennar. Þau skildu.
Þau Sigurjón giftu sig 2006. Þau eiga ekki börn saman, en Ágústa fóstrar eitt af börnum hans. Þau búa við Austurveg 3.
I. Barnsfaðir Ágústu Huldu var Róbert Tómasson, f. 23. apríl 1957, d. 1. mars 2022.
Barn þeirra:
1. Óskar Róbertsson steinsmiður í Kanada, f. 23. júlí 1978. Kona hans Sigrún Áslaug Ásmundsdóttir.
II. Barnsfaðir Ágústu var Jessy James Woodland, bandarískur maður.
Barn þeirra:
2. Dorothy Lisa Woodland sjúkraflutningamaður í Bandaríkjunum, f. 20. nóvember 1986. Maður hennar Travis Robertson.
III. Maður Ágúst Huldu, (12. ágúst 1994, skildu), er Þorleifur Hjálmarsson (Dolli) rafiðnfræðingur, f. 27. desember 1961 í Eyjum.
Börn þeirra:
3. Árni Þorleifsson starfsmaður Íþróttamiðstöðvarinnar, f. 7. janúar 1995. Sambúðarkona hans Agnes Líf Sveinsdóttir.
4. Hjálmar Þorleifsson rafvirki, f. 7. janúar 1995. Kona hans Bára Viðarsdóttir.
5. Goði Þorleifsson verslunarmaður, f. 16. janúar 1997.
IV. Maður Ágústu Huldu, (12. apríl 2006), er Sigurjón Ingvarsson, f. 8. júní 1962.
Barn hans og fósturbarn Ágústu er
6. Rebekka Svava Sigurjónsdóttir lögreglumaður, f. 27. september 1998.
Heimildir
- Samantekt: Víglundur Þór Þorsteinsson.
- Íslendingabók.
- Prestþjónustubækur.
- Rafvirkjatal. Ritstjóri: Þorsteinn Jónsson, Gunnar Guðmundsson og fleiri. Þjóðsaga hf. 1995.
Þessi grein tilheyrir Æviskrám Eyjafólks eftir Víglund Þór Þorsteinsson.