Sigríður Eiríksdóttir (Vilborgarstöðum)

Sigríður Eiríksdóttir húsfreyja á Vilborgarstöðum fæddist 1815 á Hafurbjararstöðum á Miðnesi, Gull. og lést 24. nóvember 1890.
Faðir hennar var Eiríkur bóndi, lengst á Ketilsstöðum í Mýrdal, f. 1795, Jónsson bónda á Hrútafelli u. Eyjafjöllum, f. 1769 í Pétursey í Mýrdal, d. 30. apríl 1834 á Hrútafellli, Eiríkssonar, f. 1736, Jónssonar, og konu Eiríks, (f. 1736), Katrínar húsfreyju í Pétursey og Leirum, f. 1725, d. 19. janúar 1805, Jónsdóttur.
Móðir Eiríks á Ketilsstöðum og kona Jóns á Hrútafelli var Sigríður húsfreyja, f. 1769, Bjarnadóttir.

Móðir Sigríðar á Vilborgarstöðum og barnsmóðir Eiríks á Ketilsstöðum var Sigríður, síðar húsfreyja á Nýlendu í Hvalsnessókn í Gull., f. 25. júní 1791, d. 19. maí 1858, Vilhjálmsdóttir bónda á Hafurbjarnarstöðum á Miðnesi, f. 1752, d. 23. september 1829, Ásgautssonar, og barnsmóður Ásgauts, Sigríðar frá Syðra-Apavatni í Grímsnesi, Árn., f. 1718, d. 13. maí 1792, Ásbjörnsdóttur.
Móðir Sigríðar á Nýlendu og kona Vilhjálms á Hafurbjarnarstöðum var Steinvör húsfreyja, f. 1752, d. 2. júlí 1822, Þórarinsdóttir bónda á Kotvelli í Hvolhreppi, Rang., f. 1702, d. 2. nóvember 1771, Guðnasonar, og konu Þórarins, Elínar húsfreyju, f. 1707, d. 8. nóvember 1783, Einarsdóttur.

Sigríður var hálfsystir Hjálmars Eiríkssonar í Efri-Rotum u. Eyjafjöllum, en hann var faðir:
1. Eiríks kennara á Vegamótum.
2. Þorgerður í Dölum, kona Jóns Gunnsteinssonar.
3. Helga Hjálmarssonar, – að Hamri.
4. Sigurbjargar Hjálmarsdóttur, konu Ólafs Guðmundssonar í Oddhól.
5. Guðrúnar Hjálmarsdóttur á Akri, konu Guðmundar Þórðarsonar.

Sigríður Eiríksdóttir var á Hrútafelli u. Eyjafjöllum 1816.
Hún var húsfreyja á Vilborgarstöðum 1845, gift Jóni Sigurðssyni sjómanni. Með þeim var Vigdís Jónsdóttir, dóttir þeirra eins árs. 1850 voru þau þar enn, Vigdís 6 ára. Vinnukona var Sigþrúður Ormsdóttir 16 ára.
Jón Sigurðsson, maður Sigríðar, lést 1852.
Elín dóttir Sigríðar og Jóns Jónssonar fæddist 1854 og Sigurður 1859.
Sigríður var ekkja í annað sinn 1869, er Jón Jónsson lést.
1870 var hún í heimilinu hjá Vigdísi dóttur sinni og Árna Árnasyni.
Árni fórst 1874 og 1880 var Sigríður 67 ára á sveit í Presthúsum hjá Jóni Jónssyni og Ingibjörgu Stefánsdóttur.
Hún var ekkja hjá Sigurði syni sínum og Ástríði á Löndum 1890 og lést á árinu.

Sigríður var tvígift:
I. Fyrri maður hennar var Jón Sigurðsson sjómaður á Vilborgarstöðum, f. 1802, d. 13. febrúar 1852.
Barn þeirra var
1. Vigdís Jónsdóttir húsfreyja á Vilborgarstöðum, f. 10. júní 1845, lést Vestanhafs. Maður hennar hér á landi var Árni Árnason bóndi og sjómaður á Vilborgarstöðum.
II. Síðari maður hennar var Jón Jónsson bóndi og sjómaður á Vilborgarstöðum, f. 1816, d. 26. febrúar 1869.
Börn þeirra:
2. Elín Jónsdóttir vinnukona, f. 1854.
3. Jóhanna Jónsdóttir, f. 1857, d. 14. október 1857.
4. Sigurður Jónsson verkamaður á Löndum, f. 29. október 1859, d. 10. ágúst 1932. Kona hans var Ástríður Einarsdóttir húsfreyja, f. 10. október 1857, d. 20. júlí 1919.

---

Heimildir

• Samantekt: Víglundur Þór Þorsteinsson.
• Eyjar og úteyjalíf – Úrval verka Árna Árnasonar símritara frá Grund. Sögufélag Vestmannaeyja í samstarfi við Safnahús Vestmannaeyja 2012.
• Íslendingabók.is.
• Manntöl.
• Rangvellingabók. Valgeir Sigurðsson. Rangárvallahreppur, Hellu 1982.
• Vestur-Skaftfellingar 1703-1966. Björn Magnússon. Leiftur 1970-1973.

.