Sigríður Eiríksdóttir (Vilborgarstöðum)

From Heimaslóð
Jump to: navigation, search

Sigríður Eiríksdóttir húsfreyja á Vilborgarstöðum fæddist 1815 á Hafurbjararstöðum á Miðnesi, Gull. og lést 24. nóvember 1890.
Faðir hennar var Eiríkur bóndi, lengst á Ketilsstöðum í Mýrdal, f. 1795, Jónsson bónda á Hrútafelli u. Eyjafjöllum, f. 1769 í Pétursey í Mýrdal, d. 30. apríl 1834 á Hrútafellli, Eiríkssonar, f. 1736, Jónssonar, og konu Eiríks, (f. 1736), Katrínar húsfreyju í Pétursey og Leirum, f. 1725, d. 19. janúar 1805, Jónsdóttur.
Móðir Eiríks á Ketilsstöðum og kona Jóns á Hrútafelli var Sigríður húsfreyja, f. 1769, Bjarnadóttir.

Móðir Sigríðar á Vilborgarstöðum og barnsmóðir Eiríks á Ketilsstöðum var Sigríður, síðar húsfreyja á Nýlendu í Hvalsnessókn í Gull., f. 25. júní 1791, d. 19. maí 1858, Vilhjálmsdóttir bónda á Hafurbjarnarstöðum á Miðnesi, f. 1752, d. 23. september 1829, Ásgautssonar, og barnsmóður Ásgauts, Sigríðar frá Syðra-Apavatni í Grímsnesi, Árn., f. 1718, d. 13. maí 1792, Ásbjörnsdóttur.
Móðir Sigríðar á Nýlendu og kona Vilhjálms á Hafurbjarnarstöðum var Steinvör húsfreyja, f. 1752, d. 2. júlí 1822, Þórarinsdóttir bónda á Kotvelli í Hvolhreppi, Rang., f. 1702, d. 2. nóvember 1771, Guðnasonar, og konu Þórarins, Elínar húsfreyju, f. 1707, d. 8. nóvember 1783, Einarsdóttur.

Sigríður var hálfsystir Hjálmars Eiríkssonar í Efri-Rotum u. Eyjafjöllum, en börn hans í Eyjum voru:
1. Þórunn Hjálmarsdóttir húskona á Lágafelli, fyrr húsfreyja og ljósmóðir á Ljótarstöðum í Skaftártungu, kona Sigurðar Sigurðssonar bónda þar, fædd 13. ágúst 1853 á Ketilsstöðum í Mýrdal, d. 15. janúar 1938 í Skammadal þar.
2. Þorgerður Hjálmarsdóttir húsfreyja í Dölum, f. 4. júní 1855 á Ketilsstöðum, d. 2. mars 1939 í Eyjum, kona Jóns Gunnsteinssonar bónda.
3. Eiríkur Hjálmarsson kennari á Vegamótum, maður Sigurbjargar Rannveigar Pétursdóttur húsfreyju, fæddur 11. ágúst 1856 á Ketilsstöðum, d. 5. apríl 1931 í Eyjum.
4. Hjálmrún Hjálmarsdóttir vinnukona, síðar ráðskona í Reykjavík, f. 16. mars 1878, d. 9. mars 1950. Sambýlismaður hennar var Sigurður Sigmundsson frá Kotströnd í Ölfusi, verkamaður í Reykjavík.
5. Guðrún Hjálmarsdóttir húsfreyja á Akri, f. 12. apríl 1879 á Efri-Rotum, d. 23. september 1928 í Eyjum, kona Guðmundar Þórðarsonar vélstjóra og útgerðarmanns.
6. Helgi Hjálmarsson smiður á Hamri, f. 13. október 1880 á Efri-Rotum, d. 6. apríl 1876. Konur hans voru Guðbjörg Vigdís Guðmundsdóttir húsfreyja og Sigríður Sigurðardóttir húsfreyja.
7. Sigurbjörg Hjálmarsdóttir húsfreyja í Oddhól, f. 6. september 1884 á Efri-Rotum, d. 15. ágúst 1937, kona Ólafs Guðmundssonar verkamanns.

Sigríður Eiríksdóttir var á Hrútafelli u. Eyjafjöllum 1816.
Hún fluttist til Eyja 1837, vinnukona að Ofanleiti, var húsfreyja í Helgahjalli 1840, gift Einari Hallssyni járnsmíðanema og bónda, bjuggu í Tómthúsi við andlát Einars 1842.
Þau misstu börn sín skömmu eftir fæðingu þeirra 1840 og 1841, og Einar drukknaði 1842.
1843, þá á milli manna, átti hún barn með Sigurði Sigurðssyni frá Vesturhúsum. Það lést hálfs mánaðar gamalt úr ginklofa.
Sigríður var húsfreyja á Vilborgarstöðum 1845, gift Jóni Sigurðssyni sjómanni. Með þeim var Vigdís Jónsdóttir, dóttir þeirra, eins árs. 1850 voru þau þar enn, Vigdís 6 ára. Vinnukona var Sigþrúður Ormsdóttir 16 ára.
Jón Sigurðsson, maður Sigríðar, lést 1852.
Elín dóttir Sigríðar og Jóns Jónssonar fæddist 1854 og Sigurður 1859.
Sigríður var ekkja í þriðja sinn 1869, er Jón Jónsson lést.
1870 var hún í heimilinu hjá Vigdísi dóttur sinni og Árna Árnasyni.
Árni fórst 1874 og 1880 var Sigríður 67 ára á sveit í Presthúsum hjá Jóni Jónssyni og Ingibjörgu Stefánsdóttur.
Hún var ekkja hjá Sigurði syni sínum og Ástríði á Löndum 1890 og lést á árinu.

Sigríður var þrígift og eignaðist barn í ekkjustandi sínu:
I. Fyrsti maður hennar, (28. maí 1840), var Einar Hallsson, f. um 1805, drukknaði 20. mars 1842.
Börn þeirra hér:
1. Sigríður Einarsdóttir, f. 3. október 1840, d. 12. október 1840 „af Barnaveikin“.
2. Elísabet Einarsdóttir, f. 11. október 1841, d. 20. október 1841 úr ginklofa.

II. Barnsfaðir Sigríðar var Sigurður Sigurðsson, þá í Hólmfríðarhjalli.
Barn þeirra var
3. Sigríður Sigurðardóttir, f. 19. október 1843, d. 2. nóvember 1843 úr ginklofa.

III. Annar eiginmaður Sigríðar, (14. ágúst 1844), var Jón Sigurðsson sjómaður á Vilborgarstöðum, þá ekkill, f. 1802, d. 13. febrúar 1852.
Börn þeirra hér:
4. Vigdís Jónsdóttir húsfreyja á Vilborgarstöðum, f. 10. júní 1845, lést Vestanhafs. Maður hennar hér á landi var Árni Árnason bóndi og sjómaður á Vilborgarstöðum.
5. Sigríður Jónsdóttir, f. 14. september 1851, d. 14. ágúst 1853 úr barnaveiki.

IV. Síðasti maður hennar, (9. ágúst 1852), var Jón Jónsson bóndi og sjómaður á Vilborgarstöðum, f. 1816, d. 26. febrúar 1869.
Börn þeirra:
6. Andvana barn f. 13. júlí 1853.
7. Elín Jónsdóttir vinnukona, f. 23. nóvember 1854, niðursetningur í Landlyst 1870, vinnukona á Vilborgarstöðum 1880.
8. Jóhanna Jónsdóttir, f. 27. september 1857, f. 14. október 1857 úr ginklofa.
9. Sigurður Jónsson verkamaður á Löndum, f. 29. október 1859, d. 10. ágúst 1932. Kona hans var Ástríður Einarsdóttir húsfreyja, f. 10. október 1857, d. 20. júlí 1919.


Heimildir

  • Samantekt: Víglundur Þór Þorsteinsson.
  • Eyjar og úteyjalíf – Úrval verka Árna Árnasonar símritara frá Grund. Sögufélag Vestmannaeyja í samstarfi við Safnahús Vestmannaeyja 2012.
  • Íslendingabók.is.
  • Manntöl.
  • Prestþjónustubækur.
  • Rangvellingabók. Valgeir Sigurðsson. Rangárvallahreppur, Hellu 1982.
  • Vestur-Skaftfellingar 1703-1966. Björn Magnússon. Leiftur 1970-1973.


Þessi grein tilheyrir Æviskrám Eyjafólks eftir Víglund Þór Þorsteinsson.