Sigurður Sigurðsson (Frydendal)

From Heimaslóð
Jump to: navigation, search

Sigurður Sigurðsson í Frydendal, formaður, fæddur í Búðarhóls-Austurhjáleigu í A-Landeyjum 1. apríl 1869, drukknaði 10. jan. 1912.
Foreldrar hans voru hjónin Sigurður Sigurðsson bóndi, síðar á Kúfhól í A-Landeyjum, f. 6. ágúst 1833, d. 29. október 1885, og Sigríður Pétursdóttir húsfreyja, f. 30. ágúst 1830, d. 26. desember 1903.
Þau voru einnig foreldrar Elínar Sigurðardóttur húsfreyju í Ólafshúsum, fyrri konu Jóns Bergs eldri útvegsbónda.
Þá voru þau foreldrar Steinunnar Sigurðardóttur húsfreyju á Þingeyri, konu Jóns Jónssonar.
Einnig voru þau foreldrar Sigríðar Sigurðardóttur húsfreyju í Lambhaga, konu Guðmundar Guðmundssonar sjómanns í Lambhaga,
og foreldrar Vigfúsar fósturföður Þorsteins Þ. Víglundssonar.

Maki (sambýliskona) var Anna Sigríður Árnadóttir Johnsen í Frydendal, f. 1855.
Barn þeirra: Jóhann Jörgen Sigurðsson, f. 1894.

Á vertíðinn 1912 var Sigurður formaður á v/b Íslandi. Í ofsaveðri 10. janúar 1912 ætlaði skipshöfnin að gæta að bátnum á bólinu í höfninni. Julið fórst með allri áhöfn, 6 manns. Líkin rak öll vestar í höfninni.
Þeir, sem fórust voru:
1. Sigurður Sigurðsson formaður í Frydendal.
2. Guðmundur Guðmundsson í Lambhaga, systurmaður Sigurðar formanns.
3. Einar Halldórsson í Sandprýði.
4. Hans Einarsson, Norðfirði, S-Múl.
5. Vilhjálmur Jónsson, Norðfirði, S-Múl.
6. Magnús Ingimundarson á Hvoli.


Heimildir

  • Samantekt: Víglundur Þór Þorsteinsson.
  • Íslendingabók.is.
  • Landeyingabók – Austur-Landeyjar. Valgeir Sigurðsson, Ragnar Böðvarsson o.fl. Austur-Landeyjahreppur, Gunnarshólma 1999.
  • Minningarrit. Páll Oddgeirsson. Vestmannaeyjum í marz 1952.
  • Prestþjónustubók Landakirkju.


Þessi grein tilheyrir Æviskrám Eyjafólks eftir Víglund Þór Þorsteinsson.