Magnús Sigurðsson (Háagarði)

From Heimaslóð
Jump to: navigation, search

Magnús Sigurðsson bóndi og sjómaður í Háagarði fæddist 1796 á Skíðbakka í Krosssókn í A- Landeyjum og lést 20. ágúst 1863.
Faðir hans var Sigurður bóndi á Skíðbakka, f. 1759 í Hallgeirsey þar, d. 8. febrúar 1846 á Skíðbakka, Magnússon bónda í Hallgeirsey, f. 1722, d. 31. janúar 1786, Erlendssonar bónda þar, f. 1685, á lífi 1753, Sverrissonar, og konu Erlendar, Oddnýjar húsfreyju, f. 1686, á lífi 1728.
Móðir Sigurðar á Skíðbakka og kona Magnúsar í Hallgeirsey var Vigdís húsfreyja, f. 1719, d. 10. mars 1813, Halldórsdóttir, líklega Bjarnasonar bónda í Næfurholti á Rangárvöllum, f. 1695, d. 19. nóvember 1758, Illugasonar, og konu Bjarna í Næfurholti, Margrétar húsfreyju, f. 1658, Símonardóttur.
Móðir Magnúsar í Háagarði og fyrri kona, (24. júlí 1795), Sigurðar á Skíðbakka var Sigríður húsfreyja, f. 1770, d. 31. október 1801, Hróbjartsdóttir bónda á Bergþórtshvoli í V-Landeyjum, d. 1783, Björnssonar, og konu Hróbjartar, Geirlaugar húsfreyju, f. 1745, d. 8. ágúst 1831, Guðmundsdóttur bónda á Bergþórshvoli, f. 1692, Eiríkssonar, og síðari konu Guðmundar, Helgu húsfreyju, f. 1712, d. 23. desember 1785, Jónsdóttur.

Albróðir Magnúsar var
1. Guðmundur Sigurðsson bóndi á Oddsstöðum, skírður 7. janúar 1798, d 18. nóvember 1842 .
Hálfsystkini Magnúsar, af sama föður voru
2. Sigurður Sigurðsson yngri, bóndi í Þorlaugargerði, f. 17. maí 1813, d. 9. september 1844.
3. Sigríður Sigurðardóttir vinnukonu í Kornhól, síðar húsfreyja í Úlfsstaðahjáleigu í A-Landeyjum, f. 30. júlí 1803, d. 17. september 1879.

Magnús var 5 ára hjá Geirlaugu ömmu sinni á Bergþórshvoli 1801, var vinnumaður þar 1816.
Hann fluttist að Efsta-Koti u. Eyjafjöllum 1823, fluttist þaðan að Tungu í V-Landeyjum 1826.
Þau Margrét Þóroddsdóttir voru komin til Eyja 1835 og bjuggu þá í Elínarhúsi. Þau fluttust að Háagarði 1836. Þar var Magnús án Margrétar í lok ársins, en Margrét varð „bráðdauð“ í janúar 1837.
Hann kvæntist Margréti Arngrímsdóttur í október á því ári. Þau eignuðust tvö börn. Annað þeirra, Arngrímur dó úr ginklofa, en Margrét dóttir þeirra varð húsfreyja í Háagarði.
Magnús bjó í Háagarði til dánardægurs, lést þar 1863.

Magnús var tvíkvænntur.
I. Fyrri kona hans var Margrét Þóroddsdóttir húsfreyja í Elínarhúsi og í Hágarði, f. 29. júlí 1772, d. 4. janúar 1837.
Þau voru barnlaus í Eyjum.

II. Síðari kona Magnúsar, (6. október 1837), var Margrét Arngrímsdóttir húsfreyja, f. 24. október 1811, d. 5. júní 1873.
Börn Magnúsar og Margrétar hér:
1. Margrét Magnúsdóttir húsfreyja, f. 28. október 1838, d. 11. mars 1891.
2. Arngrímur Magnússon, f. 26. ágúst 1840, d. 3. september 1840 úr ginklofa.


Heimildir

  • Samantekt: Víglundur Þór Þorsteinsson.
  • Íslendingabók.is
  • Landeyingabók – Austur-Landeyjar. Valgeir Sigurðsson og fleiri. Ritstjóri: Ragnar Böðvarsson. Austur-Landeyjahreppur, Gunnarshólma 1999.
  • Manntöl.
  • Prestþjónustubækur.


Þessi grein tilheyrir Æviskrám Eyjafólks eftir Víglund Þór Þorsteinsson.