Jónatan Snorrason (Breiðholti)
Jónatan Snorrason fæddist 6. september 1875 og lést 15. september 1960. Hann bjó í Breiðholti við Vestmannabraut.
Eiginkona hans var Steinunn Brynjólfsdóttir.
Frekari umfjöllun
Jónatan Snorrason í Breiðholti, sjómaður, vélstjóri, rennismiður fæddist 6. september 1875 að Lambalæk í Fljótshlíð og lést 15. september 1960.
Faðir hans var Snorri bóndi í Björnskoti og Skálakoti u. Eyjafjöllum, f. 3. október 1852, d. 9. mars 1935, Jónsson bónda á Lambalæk og Kirkjulækjarkoti í Fljótshlíð, f. 17. október 1827, d. 16. maí 1891, Sveinssonar bónda í Neðridal, Rauðafelli og Eystra-Raufarfelli u. Eyjafjöllum, f. 11. apríl 1801, d. 25. júní 1879, Jónssonar, og konu Sveins Jónssonar, Þórunnar húsfreyju, f. um 1797, d. 5. september 1855, Ólafsdóttur.
Móðir Snorra í Björnskoti og kona Jóns á Lambalæk var Margrét húsfreyja, f. 10. apríl 1810, d. 16. nóvember 1876, Snorradóttir bónda í Miðskála u. Eyjafjöllum, f. 1743, d. 21. júní 1814, Jónssonar, og þriðju konu Snorra í Miðskála, Kristínar húsfreyju, f. 1765, d. 10. október 1846, Þóroddsdóttur.
Móðir Jónatans í Breiðholti og kona Snorra í Björnskoti var Ástríður húsfreyja frá Grjótá í Fljótshlíð, f. 13. desember 1847, d. 18. júlí 1937, Ólafsdóttir bónda þar, f. 12. mars 1811, d. 20. ágúst 1871, Ólafssonar bónda á Valstrýtu og Teigi í Fljótshlíð, f. 1772, Jónssonar, og konu Ólafs, Ástríðar húsfreyju, f. 1772, d. 20. júlí 1834, Halldórsdóttur.
Kona Ólafs Ólafssonar á Grjótá og móðir Ástríðar var Þórunn húsfreyja, f. 8. júní 1807, d. 16. október 1887, Jónsdóttir bónda í Kirkjulækjarkoti í Fljótshlíð, f. 1763, d. 6. mars 1836, Jónssonar, og konu Jóns í Kirkjulækjarkoti Guðbjargar húsfreyju, f. 1770, d. 12. desember 1847, Jónsdóttur.
Börn Snorra og Ástríðar, - í Eyjum voru:
1. Jónatan Snorrason í Breiðholti, rennismiður, vélstjóri.
2. María Snorradóttir húsfreyja í Djúpadal.
3. Þórunn Snorradóttir húsfreyja í Hlíð.
Jónatan var með foreldrum sínum í Björnskoti 1880, var léttadrengur á Sámsstöðum í Fljótshlíð 1890, hjú þar 1901.
Jónatan fluttist til Eyja 1902, bjó á Sveinsstöðum 1906 og 1907, í Hlíð 1908. Steinunn fluttist til Eyja 1909. Þau giftu sig 1910, eignuðust fimm börn, en misstu eitt þeirra 10 ára gamalt. Þau bjuggu í Breiðholti, sem Jónatan byggði ásamt Jóni Guðmundssyni 1908.
Jónatan lést 1960 og Steinunn 1977.
Kona Jónatans, (17. desember 1910), var Steinunn Brynjólfsdóttir húsfreyja, f. 4. maí 1887 á Syðri-Kvíhólma u. Eyjafjöllum, d. 22. júlí 1977.
Börn þeirra:
1. Guðjón Hafsteinn Jónatansson bifreiðastjóri, f. 30. júní 1910, d. 8. mars 1993.
2. Guðrún Briet Jónatansdóttir, f. 19. maí 1913 í Breiðholti, d. 6. júlí 1923.
3. Sveinn Jónatansson vélstjóri, f. 7. júlí 1917, d. 15. mars 1998.
4. Brynjúlfur Jónatansson rafvirkjameistari, f. 23. júní 1924.
5. Sigrún Jónatansdóttir hjúkrunarfræðingur, f. 6. desember 1925 í Breiðholti, d. 12. janúar 1989.
Heimildir
- Samantekt: Víglundur Þór Þorsteinsson.
- Íslendingabók.is.
- Manntöl.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.
Myndir
Heimildir
- gardur.is